Танымал футболшы Бахтиер Зайнутдинов Айнұр Тұрсынбаеваның үйіне барды
Айнұр Тұрсынбаева Нұржан Иманалиевпен бірге Түркияда өмір сүріп жатыр
Қазақстандық танымал футболшы, ұлттық құраманың белді ойыншысы және Стамбұлдың «Бешикташ» клубының жартылай қорғаушысы Бахтиер Зайнутдинов айтыскер ақын Айнұр Тұрсынбаеваның шаңырағына қонақ болды, деп хабарлайды Malim.kz.
Қазіргі уақытта Айнұр Тұрсынбаева жұбайы, Нұржан Иманалиевпен (көпшілікке «Нойс» деген лақап атпен танымал) бірге Түркияда өмір сүріп жатыр.
Құрметті қонақты қазақ дәстүріне сай ет асып қарсы алған үй иелері оған ерекше сый-сыяпаттарын көрсетті. Өз кезегінде Бахтиер балаларға естелік қолтаңба қалдырып, олармен бірге суретке түсті. Бұл сәттерді Айнұр Тұрсынбаева өзінің Instagram парақшасында бөліскен видеолардан байқауға болады.
«Шетелде қазақтың намысын қорғап жүрген батыр ұлымыз Бахтиер шаңырағымызға қонаққа келді. Сіздердің де ұлдарыңыз осындай ер жүрек азамат болсын!» – деп жазды ақын әлеуметтік желідегі жазбасында.
Бұл кездесу шетелде жүрсе де ұлттық дәстүрді ұмытпаған қазақ халқының бірлігін тағы бір мәрте айқындай түсті.
MalimBlocks
