«Жоғал, құрып кет, иттің баласы»: Айнұр Тұрсынбаева баланы қалай тәрбиелеу керегін түсіндірді

Танымал айтыскер ақын Айнұр Тұрсынбаева ата-аналарға кеңес беріп, балаға ауыр сөз айтып, қорқытуға болмайтынын айтты, деп хабарлайды Malim.kz.

Егер балаларыңыздың тұлға болғанын, еркін ойлай алатын, рухты азамат болғанын қаласаңыз әйеліңізді бақытты қылыңыз! Әйел ашынса отбасының берекесі кетеді. Өзінің ата-анасын жамандай беретін адамдардан алыс жүріңіз. Бала-шағасын қарғай беретін әйелге жақындамаңыз. Қанша ашуланып тұрсаңыз да, айналаңызға уыңызды шашпаңыз. Балаларға ешқашанда «жоғал, құрып кет, иттің баласы, үніңді өшір, аузыңды жап» деп айтуға болмайды. Ананың әрбір сөзі – дуа! Тілі таза адамның ділі таза, рухы биік, – деп жазды.

Айтыскер баланы қорқытудан аулақ болу керегін атап өтті.

Өзгеруге ешқашан кеш емес! «Балам өскенде қыздардың бәрі артынан жүгіреді, қызым өскенде бүкіл жігітті ғашық қылады» деген сөздерді айтуға болмайды. Баланы «бірдемеге ұшырайсың» деп қорқытуға болмайды. Өз ата-анасынан қорқатын бала өзгелерге пікір айта алмайды, – деп жазды Айнұр Тұрсынбаева.

Фото: әлеуметтік желі