«Жоспарды өзгерттік»: Ерке Есмахан жыл тойын кейінге қалдырғанын айтты
Өнер иесі дүркіретіп той жасаймын деген еді.
Танымал әнші Ерке Есмахан отбасындағы тойды кейінге шегергенін айтты, деп хабарлайды Malim.kz.
Адамның айтқаны емес, Алланың бұйырғаны болады деген – рас. Биыл жазда үлкен «жыл тойын» жасаймыз деп жоспарлаған едік қой. Онымен бір бөпетай дүниеге келем деп тапсырыс берген соң, барлық жоспарды өзгерттік. Алла бұйыртса, енді келесі жылы екі еселеп той жасайын деп тұрмыз. Тағы тапсырыс кеп қалмаса... деп әзілдеді әнші.
Бұған дейін өнер иесі өзінің және ұлының туған күндерін және қоныс тойды қосып бір-ақ жасайтынын айтқан еді.
Қарашаның 23-і күні Исламның туған күні, ал 30-ы менің туған күнім. Екі туған күнді де тойламаймыз. Өзіміз үйде боламыз. Бәрін қосып үлкен той жазда деп отырмыз, Алла бұйыртса. Туған күндер, қоныс той, тұсаукесер, сүндет той, бәрі жазда. Жыл тойы болады, - деп жазды ол.
Фото: instagram.com/erke_esmahan
MalimBlocks
