Мемлекет басшысы Қасым-Жомарт Тоқаевтың Ұлттық құрылтайда сөйлеген сөзінде қарапайым еңбек адамына үнемі құрметпен қарауымыз керектігін атап көрсеткен болатын. Расында да күнделікті табысы көңіл көншітпесе де тіршілік тынысымен біте қайнаған ісінен бас тартпайтын адал жандар арамызда аз емес.
Таңмен таласа тұрып қала көшелеріндегі тазалықтың сақталуына жауапты коммуналдық сала қызметкері Әділғазы Сұлтанмұратов арнайы техникасымен Қызылорда қаласының өзіне бекітіліп берілген 70 нүктесіндегі қоқыс жәшіктерін босатуға белсене кіріседі. «Қызылорда тазалық» мекемесінде он жыл бойы еңбек етіп келе жатқан азамат жұмысын алғашында қолына күрек, сыпыртқы алып көше тазалаудан бастаса да мойыған жоқ. Қайта ісіне жауапкершілікпен қарап, міндетін адал атқарды. Қайсар болмыс, жайсаң мінезімен айналасына қадірлі Әділғазы жақында осы саланың арнайы техникасын жүргізуге көшті. Бұрынғымен салыстырғанда жұмысы жеңілдегеніне қуанған жігерлі азамат адал еңбегінің жемісін көріп жүргеніне дән риза. Ол ең алдымен туып-өскен қаласының тазалығына жауапкершілікпен қарап, әлі де тынбай еңбек ете беруге дайын. Күніне 20 тоннаға жуық қоқыс шығаратын еңбек иесі қала тұрғындарының тазалыққа мұқият қарайтынын да үнемі байқап жүр. Ол үшін күнделікті жұмысының бастысы – жұрт тіршілігін бастаған сәтте қала көшелерінің мұнтаздай таза болуы.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
