Әкім 160 миллиондық аялдамаларды неге аяп отыр?

Берік Жанатханұлы

  • 25.11.2020

Талдықорғанда 160 миллионға салынған смарт аялдамалардың есігі жабық. Дастан ШАЛТАБАЕВТАН естелік болып қалған қымбат аялдамалар адам қолы тиюге болмайтын музей экспонатына айналған ба дерсіз. Ғалымжан ӘБДІРАЙЫМОВ супер аялдамаларды жұртшылықтан неге аяп отыр екен?

«Аялдаманы неменеге қояды? Егер онысы ашық болмаса. Қазір індет тарап жатыр. Адамдарк ерісінше суықтап қалмау керек қой. Вирус жұғады дейді. Вирус жолаушылар сығылысып отырған автобуста да жұғады. Автобус ішінде ара қашықтық істап ешкім отырмайды ғой. Сонда неге аялдаманы ашпайды екен. Логикалары қызық», - дейді  талдықорғандық тұрғын  Күлән ЕРЖАНОВА.

2018 жылы жаңа заманауи аялдамалар қойылған болатын. Біреуінің құны 8,5 млн теңге құраса, 22 аялдамаға 160 млн теңге кеткен. Қыста жылы, жазда салқын болады деген аялдамаларға кіру енді арман болып тұр.Көктемде карантинге орай жабылған аялдамалар қарашаның суығында да есіктерін ашпай тұр.

«Мен кезекші сыныпта білім аламын. Кешке қосымшаға барамын. Сол кезде үйге қайтқанда далада автобус күтіп тоңамын. Тезірек аялдамаларды ашса жақсы болар еді», - дейді  оқушы Ильдара БОЛАТҚЫЗЫ.  

Әкімдіктегілер аялдамаларды санитарлық дәрігерлер ашқызбай отыр дейді. Ал СЭС мамандары ондай қаулы жоқтығын айтады.

«Аялдамалардың жұмыс істеуіне, ашылуына рұқсат берілген. Және оған тыйым салынсын деген ешқандай қаулыда көрсетілмеген. Сондықтан, әрі қарай смарт аялдамалардың ұмыс істеуі жергілікті әкімшіліктің құзыретінде», - дейді Талдықорған қалалаық санитариялық-эпидемиологиялық бақылау басқармасы басшысының орынбасары Сәкен МЕЛДЕБАЕВ.

«Қаулыда енді жабыңдар деген сөз жоқ. Адамдар бір-біріне жақын тұрмасын дегенбіз. Сондай-ақ, смарт аялдамалар жабық қой. Елдің қауіпсіздігі үшін содан жауып тастағанбыз. Күн суытқанда ашамыз деп ойлағанбыз. Қазір ашамыз», - деді қалалық жолаушылар көлігі және автомобиль жолдары бөлімінің басшысы Нұрбақыт АЛТЫНБЕКОВ.

Осылайша, әлеуметтік желіде талқыға түсіп, мәселеге тілшілер араласқаннан кейін ғана смарт аялдамалардың жұмысы жанданды. Енді, жауаптылар онда жиі тазалық жүргізіп, санитарлық талаптарды сақтауы керек. Өйткені, бұл нысандардың жылдық күтіміне 5 жарым млн теңгедей қаржы бөлінген.

Фотолар автордікі. 

Байланысты жаналықтар

Карикатура сөйлесін

25.07.2021

Орманнан қарағай қазып, өз үйіне отырғызбақ болған

21.04.2020

Шымкентте 30 орындық инсульт орталығы ашылды

20.03.2021

"Енді митингіге рұқсат сұрамайсың"

09.04.2020

Жол да бар, жұмыс та бар: елорда инфраструктурасы тиімді дамиды

10.02.2021

Сәресінің жеті берекесі. Неге сәресіні қалдырмаған дұрыс?

12.04.2021
MalimBlocks
Карикатура сөйлесін

Орманнан қарағай қазып, өз үйіне отырғызбақ болған

Шымкентте 30 орындық инсульт орталығы ашылды

"Енді митингіге рұқсат сұрамайсың"

Жол да бар, жұмыс та бар: елорда инфраструктурасы тиімді дамиды

Сәресінің жеті берекесі. Неге сәресіні қалдырмаған дұрыс?