Әкім Әбдраймовтың 500 мыңдық орындықтары

Олжас Қасым

  • 15.07.2020

Талдықорған қаласының шенеуніктері халықшыл екен. Бұл шын сөзіміз. Көше мен бақтарда серуендеген  жұрт жайлы орындыққа отыру керек қой. Сол үшін жетісулық әкім-қаралар қоғамдық орындағы бір орындықты 523 мың 513 теңге орнатпақшы. Өз үйінде бұндай қымбат орындыққа отырмайтын қарапайым жұртқа бұл дегеніңіз қымбат тарту емей немене? Қазір халыққа қымбат жиһаз алу былай тұрсын, тамақ алудың өзі мұң. Карантин кезінде үкімет берем деп отырған 42 500 мың теңгені талғажау етуге дайын отыр. Алайда, коронавирус індеті кеткен соң тысқа шыққан халық Ғалымжан ӘБДІРАЙЫМОВТЫҢ қымбат орындықтарына отырар.

Айтпақшы, талдықорғандық шенеуніктердің бұдан да басқа тұрғындарға арнаған бағалы сыйлықтары бар. Енді рет ретімен. Қазақстан Республикасы мемлекеттік сатып алулар сайтына «Талдықорған қаласының құрылыс бөлімі» мемлекеттік мекемесі тендер жариялады. Жалпы соммасы – 1 280 148 094.00. Яғни бір млрд теңгеден аса қаражат. Бұл қыруар ақша Талдықорғандағы Қаратал шағын ауданының солтүстік-батыс аумағындағы ғимараттарды инженерлік-коммуникациялық инфрақұрылымын абаттандыру мен қасбеттерін реконструкциялау үшін кетпек. Бір қызығы, аталған аумақты көріктендіру жұмысы осыдан бірер жыл бұрын ғана жасалған.

Алайда, суын ішуге болатын 5 фонтан, ( бір талының құны 500 мың теңге) 6 велотұрақ, (бір талының құны 400 мың теңге) жақтауы бар 164 орындық, (бір талының құны 523 513 теңге) 27 жақтаусыз орындық, (бір талының құны 335 890 теңге) 125 қоқыс жәшігін, (бір талының құны 148 251 теңге) 12 гүл отырғызатын қыш құмыра (бір талының құны 295 534 теңге)  орнатпақшы.

Шенеуніктердің Талдықорған халқы мен қала қонақтарына бұдан да басқа сюрприздері бар. Оны мемлекеттік сатып алулары  сайтынанан көрулеріне болады. Сонымен жақтауы бар мрамор мен ағаштан жасалынған 161 орындыққа халықтың салығынан түскен 94 285 464 теңге кетпекші.

Барлық мекемелер жабылып, қоғамдық орындарға да шектеу қойылып, халық өзін-өзі оқшаулап жатқанда бұл миллиардтық жобаны шенеуніктер ертеңгі күнді ойлап ел игілігі үшін жасап жатқан шығар деп бағамдадық. Төрт қабырғаға қамалып шыққан халық тысқа шыққанда жарты миллиондық орындықтарға шірене отырып, шылымының тұқылын  148 мың теңге тұратын қоқыс жәшігіне тастап жіберетін болады ғой. Бірақ сол күнге барлық қала тұрғыны жетсе дейсің.

Талдықорған қаласындағы қабір күтушісі Сандуғаш ДҮЙСЕНОВА соңғы уақыттарда адам өлімінің жиілеп кеткенін мәлімдеген еді. Тіпті, қабір қазушылар үлгере алмай жатқанын да айтқанды-ды. Ол жайлы МӘЛІМ КЗ сайтының өңірдегі тілшісі Берік ЖАНАТХАНҰЛЫ «Еріктілер болмаса, қабір қазып үлгере алмай жатырмыз»  деген материал жариялаған.

Коллаж: МӘЛІМ КЗ

Байланысты жаналықтар

Карантин ұзартылды. 42 500 теңге төлене ме?

30.07.2020

Пандемия кезінде еріктілердің рөлі артты

03.12.2020

Қошанов пен Исекешев тергеу ісіне қатысты жобамен танысыпты

05.10.2020

Дәрігерлер Алматыдағы 4 науқастың жағдайы туралы айтты

14.03.2020

Н. Жүсіп: Өтірік, өсек, жалпақтау мен жарамсақтық қайдан орнықты?

20.01.2022

Қуаңшылықтан титықтаған шаруалар: «Жаңа әкімнің түрін көрмедік»

20.09.2021
MalimBlocks
Карантин ұзартылды. 42 500 теңге төлене ме?

Пандемия кезінде еріктілердің рөлі артты

Қошанов пен Исекешев тергеу ісіне қатысты жобамен танысыпты

Дәрігерлер Алматыдағы 4 науқастың жағдайы туралы айтты

Н. Жүсіп: Өтірік, өсек, жалпақтау мен жарамсақтық қайдан орнықты?

Қуаңшылықтан титықтаған шаруалар: «Жаңа әкімнің түрін көрмедік»