Алматыда қар жауады: Құтқарушылар ескерту жасады
Қаланың тау бөктеріндегі аудандарда көктайғақ болуы мүмкін.
12-14 наурызында Алматыда жаңбыр жауып, арты қарға ұласады. Түнгі және таңғы уақытта қаланың тау бөктеріндегі аудандарда көктайғақ болуы мүмкін. Бұл туралы синоптиктердің болжауына сүйене отырып, Алматы облысының Төтенше жағдайлар департаменті хабарлады.
«13 наурызда Алматы облысының оңтүстігінде, таулы аймақтарында қатты жауын (жаңбыр, қар) жауып, тұман түседі. Солтүстік-батыстан соғатын желдің екпіні кей уақытта 15-20 м/с. Автокөлік жүргізушілерінен түнгі және таңғы уақытта қаланың таулы аймағында қозғалыс жылдамдығын бәсеңдетуді сұраймыз», - деп ескертті құтқарушылар.
Сондай-ақ Қонаев қаласында 13 наурызда солтүстік-батыстан соғатын желдің екпіні кей уақытта 15-20 м/с болатынын ескертті.
Фото: pixabay
