Алдағы оқу жылы дәстүрлі офлайн режимінде басталады. Елорданың оқу орындары оқушыларды 1 қыркүйекте қабылдауға дайындалып жатыр. Сондықтан мектеп қызметкерлері мен балалардың ата-аналарының өздері оқушыларды COVID-19-дан қорғау үшін вакцинацияланғаны маңызды, деп хабарлайды Нұр-Сұлтан әкімдігінің ресми сайты.
Астаналық оқушылардың ата-аналары вакцинацияны қолдап, азаматтарды тезірек иммунизациядан өтуге шақырды.
"Қазір Қазақстан үшін өте қиын кезең. Осындай қиын жағдайда инфекциямен күресте бізге тек вакцина көмектеседі. Вирусты өзгелерге жұқтырмас үшін және балаларымызды қорғап, олардың мектепке алаңсыз баруы үшін вакцинациядан өтуіміз керек. Сондықтан, құрметті ата-аналар мен оқытушылар, барлықтарыңыздан екпе алуды сұраймын", - деп астаналық Ақнұр Молдашева азаматтарға жүгінді.
Вакцинация коронавирустық пандемиямен күресте жалғыз тиімді қару екені белгілі. Азаматтар иммундаудан неғұрлым тезірек өтсе, соғұрлым COVID-19 таралуының өсуі тоқтайды.
Әлия Жахинаның баласы музыка мектебінің 4-сыныбында оқиды. Бүкіл отбасымен бірге вакцина алған ата-ана халықты жаппай вакцина қабылдауға шақырды.
"Мен өз елімнің патриотымын, белсенді азаматпын және ата-анамын. Коронавирусқа қарсы вакцинаның екі компонентін алғашқылардың бірі болып алдым. Бұл өте маңызды деп есептеймін. Құрметті ата аналар, мұғалімдер, достар, бірге вакцинациядан өтіп, пандемияны жеңіп, бұрынғы өмірге оралайық", - деді тағы бір ата-ана Дәнекер Қасымова.
КВИ-ға қарсы вакциналар қауіпті вируспен күресте өз тиімділігін дәлелдеді, бұған бүкіл әлем бойынша ғалымдардың ондаған зерттеулерінің нәтижесі дәлел бола алады. Тек вакцина алу арқылы ғана өзіңіздің және айналаңыздағылардың денсаулығын қауіптен сақтауға болады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
