Денсаулық сақтау министрі Алексей Цой бүгін өткен онлайн брифингіде күзге дейін 10 миллион адам вакцина егіп үлгереді деп үміттенетінін мәлімдеді.
Денсаулық сақтау министрлігі күзге дейін 10 миллион адамға вакцина егіледі деген меже қойған. Алайда ақпаннан бері вакцинаның екі компоненті 1,4 миллион адамға егілді, ал бірінші компонент 2,5 миллион адамға егілді.
Алексей Цой күзге дейін 10 миллион адамға вакцина егіледі деген межеге жетуге тырысатынын, алайда вакцинация ерікті түрде жүріп жатқанын айтты. "Күзге дейін 10 миллион адамға вакцина салынып үлгере ме?", "вакцина 10 миллион адамға егілмеген жағдайда отставкаға кетесіз бе?" деген сұрақтарға министр былай деді: "Халыққа вакцина егу – басты міндет, біз 10 миллион адам еген межені ұстанып отырмыз. Бұл кешенді мәселе, әрбір азамат саналы түрде вакцина егеді деп үміттенеміз. Ол үшін аймақтарда түсіндіру жұмыстарын жүргізіп жатырмыз. Ол жұмысты күшейтеміз, 60 пайыздық межеге жеткенде ұжымдық иммунитет қалыптасады, соған жету маңызды. Бірақ бәрі министрлік қолында емес, вакцинация ерікті түрде жүріп жатыр", - деді А.Цой.
А.Цой үкіметтің кез келген мүшесінің мәселесін мемлекет басшысы шешетінін, "шешім атқарылған жұмысқа қарай қабылданатынын" жеткізді.
Фото: primeminister.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
