Дүниежүзілік денсаулық сақтау ұйымы Қазақстанда өршіп кеткен пневмонияны коронавирус деп таныды. Халықаралық ұйым ресми сайтында пневмония мен COVID-19 инфекциясын бірге есептеген.
Яғни ДДСҰ сайтында коронавирус инфекциясы және коронавирустың клиникалық белгілері бар, бірақ ПТР тестілеу теріс көрсеткен пневмония жағдайлары бір статистикамен көрсетіледі.
Халықаралық үйымның есебінше, Қазақстанда 105 мыңнан аса адам коронавирус инфекциясын жұқтырған. Және соңғы бір аптаның ішінде 316 адам көз жұмды. Алайда, coronavirus2020.kz сайтындағы ресми мәлімет мүлдем басқаша. Онда 97 829 мың адам індетке шалдығып, оның 71 609-ы сауғып кеткендігі жазылған.
Бұған дейін денсаулық сақтау министрі Алексей ЦОЙ 1-тамызға дейін пневмонияға шалдыққандарды коронавирусқа жатқызбайтындарын Хабар-24 телеарнасында берген сұхбатында мәлімдеген еді. Мәселен көршілес Қырғыз Республикасы пневмония мен COVID-19 инфекциясына шалдыққандарды бірге есептеп жатыр.
Айтпақшы, денсаулық сақтау вице-министрі Людмила БҰЙРАБЕКОВА Қазақстанда екі ауруға шалдыққандарды бірге есептеу үшін Дүниежүзілік денсаулық сақтау ұйымынан келісім күтіп отырғанын айтқан-ды. Қызығы, халықаралық ұйым Қазақстан министрлігінің алдына түсіп кетті.
Фото: tass.ru
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
