Елімізде енді мүмкіндігі шектеулі адамдарға қатысты "мүгедек" сөзінің орнына "мүгедектігі бар адам" термині қолданылады. Парламент мәжілісі мүгедектігі бар адамдардың өмір сүру сапасын жақсарту мәселелері туралы заң жобасын бірінші оқылымда мақұлдады.
Заң жобасы бойынша 75 заңнамалық актіге өзгерістер енгізу жоспарланып отыр.
"Заң жобасында мүгедек адамдарға қатысты дискриминацияға жол бермеу мақсатында бірқатар норма енгізіліп отыр. Оның ішінде "мүгедек", "мүгедек бала", "Ұлы Отан соғысының мүгедегі" деген сөздер тиісінше "мүгедектігі бар адам", "мүгедектігі бар бала" және "Ұлы Отан соғысы кезінде жаралануы, контузия алуы, зақымдануы және ауруы салдарынан мүгедектігі бар адам" деген сөздермен ауыстырылады", - деді депутат Елнұр Бейсенбаев.
Депутат әлемдік тәжірибедегі "рeople-first language" деген түсінікті алға тартып, яғни, бірінші кезекте оның адам баласы екеніне мән беріліп, кейін оның ауру-сырқаты жөнінде айтылуы қажет екенін айтты.
Сондай-ақ заң жобасымен жұмыс істеу барысында депутаттар "соқыр", "саңырау", "мылқау" деген терминдерді "көру/есту/сөйлеу қабілетінен толық айырылған адамдар" деп, "мүгедекті оңалтудың жеке бағдарламасы" деген терминді "мүгедектігі бар адамның абилитациясы және оны оңалтудың жеке бағдарламасына" өзгерту жөніндегі заң жобасының тұжырымдамасына сәйкес келтіруге бағытталған түзетулер енгізді.
Бұдан бөлек, депутат енді мүгедектігі бар балалардың ата-аналары да көлікті тегін пайдалана алатынын айтты. Оның сөзінше, шипажайлардағы мүгедектігі бар балалардың (сүйемелдеп, ілесіп жұретін) ата-аналарының жол ақысы үшін бюджеттен 5 млрд теңге бөлу қарастырылып отыр.
Байланысты жаналықтар
MalimBlocks
Реклама депутата Даулета Мукаева обернулась скандалом
Жители столичного комплекса Bai-Tursyn жалуются на рекламу депутата парламента с большой аудиторией в соцсетях Даулета Мукаева. Они считают, что парламентарий, еще до обретения депутатского мандата, ввел их в заблуждение, рекламируя новостройки, качеством которой они сейчас недовольны.