IV тоқсандағы бағалау: Карантин кезінде ТЖБ мен БЖБ қалай өтеді?

Malim Админ

  • 31.03.2021

IV тоқсанда оқушылар білімі қалай бағаланады? Пәндер бойынша тоқсандық жиынтық бағалау және бөлімдік жиынтық бағалау қалай жүреді? Осы туралы сұрақтарға бүгін білім және ғылым министрінің орынбасары Шолпан Қаринова жауап берді.

Енді білім және ғылым министрлігінің өкілдері әр апта сайын министрліктің Instagram парақшасында ата-аналар мен қоғам сұрақтарына тікелей эфирде жауап береді. Бүгін Instagram-дағы министрліктің парақшасында тікелей эфирге шыққан білім және ғылым вице-министрі ата-аналардың IV тоқсандағы оқу процесін ұйымдастыру мен бағалау туралы сұрақтарына жауап берді.

Ата-аналарды IV тоқсандағы бөлімдік жиынтық бағалау мен тоқсандық жиынтық бағалау қалай жүреді деген сұрақ қызықтырды. Өйткені пандемия жағдайында, әсіресе кей сыныптарда аралас немесе қашықтан оқу жүріп жатқан кезде оқушыларға қорытынды бақылау жұмыстарын қалай тапсырады деген сұрақ туындайтыны анық.

"Қазақстандағы мектептердің бәрі 100 пайыз критериалды бағалауға ауысты. Бұрын әр пән бойынша БЖБ тоқсанына үш немесе одан көп рет рет тапсырылатын. Ал қазір шектеу шараларына байланысты пән бойынша БЖБ бір рет тапсырылады. IV тоқсанда пән бойынша бір БЖБ, бір ТЖБ өткізіледі. БЖБ мен ТЖБ өтетін пәндер тізімі әдістемелік ұстанымдарда берілген. Оның әрбір білім беру мекемесі біледі", - деді Шолпан Қаринова.

Ал БЖБ немесе ТЖБ жұмыстарын мұғалім неше жыл сақтауы керек: бір жыл ма, әлде бес жыл ма? Шолпан Қаринова бұл сұраққа былай деп жауап берді: "Білім және ғылым министрлігінің "Ағымдағы және қорытынды аттестациялау типтік үлгі ережелері" 125-бұйрығына сәйкес, ТЖБ мен БЖБ жұмыстары бір жыл сақталады".

Шолпан Қаринова сондай-ақ 9 және 11-сыныптарда қорытынды бағалау қалай жүретінін түсіндірді. Вице-министрдің айтуынша, биыл 9 және 11-сыныптар қорытынды емтихандардан былтырғыдай босатылмайды.

"Былтыр пандемияның ауыр жағдайы мен шектеу шараларының алғашқы жылы болғандықтан, қорытынды емтихан тапсырмау, 9 және 11-сыныпты одан босату туралы шешім қабылданды. Ал биыл педагогтар қауымымен ақылдаса келе 9 және 11-сыныптар қорытынды емтихан тапсырады деп шештік. 9-сынып төрт пән бойынша, 11-сынып бес пән бойынша емтихан тапсырады. Оқу жылы бірде-бір күн үзілмей, күнде жалғасып жатты. Педагогтар қысқа уақыт ішінде қашықтан оқуға бейімделіп, сабақты кестеге сай өткізді. Сондықтан қорытынды аттестация өткізуге барлық негіз бар. Оның үстіне ІІІ тоқсан аяғында 9 және 11-сыныптар дәстүрлі форматта оқиды деген шешім қабылданды. Өйткені бұл сыныптарды кәсіби бағытқа бейімдеп, мамандық таңдауға дайындау керек болды. 9-сыныпты бітірген оқушылар колледждерге түсуі мүмкін. Қорытынды аттестация кезінде бұл сыныптар оқу жоспарындағы міндетті компоненттерге кіретін пәндерден емтихан тапсырады", - деді Ш.Қаринова.

 

 

Байланысты жаналықтар

Алматы облысында жол апатынан 3 адам қайтыс болды  

24.03.2024

5 жасқа дейінгі балалар арасында көкжөтел жиіледі

23.03.2024

Қазақстанда қызылша бойынша эпидемиологиялық жағдай тұрақталып келеді

23.03.2024

Уэльс ханшайымы Кейт қатерлі ісікке шалдықты

23.03.2024

Мәскеуде алдағы демалыс күндері театр мен музей жабылады

23.03.2024

Ресейдің Красногорск қаласындағы концерт залында атыс болды

23.03.2024
MalimBlocks
Алматы облысында жол апатынан 3 адам қайтыс болды  

5 жасқа дейінгі балалар арасында көкжөтел жиіледі

Қазақстанда қызылша бойынша эпидемиологиялық жағдай тұрақталып келеді

Уэльс ханшайымы Кейт қатерлі ісікке шалдықты

Мәскеуде алдағы демалыс күндері театр мен музей жабылады

Ресейдің Красногорск қаласындағы концерт залында атыс болды