"От пен су қауіпсіздігі – ортақ іс"

Malim Админ

  • 18.08.2021

Төтенше жағдайлар министрлігі мен облыстардағы департаменттер үшін жаздың екі түрлі қиындығы бар. Оның бірі – әрине, өрт мәселесі. Күн ысығанда дала өрттерінің жиі орын алып жататыны түсінікті. Оның тіпті, орман қртіне ұласатын жағдайлары да аз кездеспейді. Егер, өрт аймағы тым үлкейіп кетсе, жағдайды бақылауда ұстаудың қиындайтыны түсінікті. Демек, ең жақсысы – қауіпсіздік шараларын сақтау. Яғни, «сақтансаң – сақтаймын» деген қағиданы басты планға шығару. Екіншісі – су мәселесі. Жаздың аптабында табиғи су қорларында немесе арнайы бассейндерде салқынағанды кім жек көрсін. Жаз келсе-ақ өзен-көлдердің, арнайы демалыс аймақтарын толтырып тастайтын демалушылардың қауіпсіздігі жіті қадағалануға тиіс. Әсіресе, олардың қауіпсіздік ережелерін сақтауын қамтамасыз етуге күш салу керек.

Мәселен, биыл Қостанай облысының Төтенше жағдайлар департаменті құтқарушылары шомылук маусымы басталғалы бері 1 697 рейдтік іс-шара ұйымдастырыпты. Бұл туралы Қостанай облысы ТЖД бастығының орынбасары азаматтық қорғау полковнигі А.Құдайбергенов Қостанй облысының Төтенше жағдайлар департаменті қызметкерлері өңірлік БАҚ тілшілері үшін ұйымдастырылған баспасөз конференциясында айтты. Ол:

«1 697 рейдтік іс-шара барысында 36 мың адамға суда қауіпсіз жүріс-тұрыс шараларына нұсқау берілді. 30 мыңнан астам үгіт материалдарын табыс етті. Жергілікті атқарушы органдардың қолдауымен суда демалуға арналмаған жерлерде 468 «Шомылуға тыйым салынады» ескерту белгісі орнатылды. Қазіргі уақытта Қостанай облысының барлық аудандарында құтқарушылардың, құқықтық тәртіп сақшыларының, жергілікті атқарушы органдардың, еріктілердің қатысуымен су айдындарында профилактикалық жұмыс ұйымдастырылды. Бұл ретте құтқарушылар тобы демалыс күндері ұлғаяды. Олардың басты мақсаты – судағы ТЖ пайда болуының және су объектілерінде адамдардың, әсіресе балалардың қаза болуы мен жарақаттануының алдын алу. Аталған іс-шаралар шомылу маусымының соңына дейін жалғасады», дейді.

Құдайбергеновтің айтуы бойынша биыл облыста 14 адам суға кетіп қайтыс болған. Оның алтауы кәмелетке толмаған. 10 адам құтқарылыпты, оның екеуі жас бала. Былтыр 17 адам су апатынан қайтыс болғанын ескерсек, қауіпсіздік мәселесі бойынша жүргізіліп жатқан жұмыстар аз да болса нәтиже берген деп есептеуге болады. Қайғылы жағдай негізінен қарапайым демалушылар мен шомылушылардың қарапайым қауіпсіздік ережелерін сақтамауынан болатын түсінікті. Демек, ағарту, түсіндіру бағытындағы жұмыстар бұдан ары жалғаса беруге тиіс.

Айталық, қауіпсіздіктің бір түрі – жағадан алыстамау, суға шомылуға болатын, рұқсат етілген жағалаулардың өзінде арнайы қойылған шектен ары аспау. Бұл ең алдымен шомылушыны суға батқан жағдайда құтқарып алуға мүмкіндіктің көбірек болатын болса, екіншіден, суға бату ықтималдылығын азайтады. Былайша айтқанда, су жағлаудан алыстаған сайын салқындай түсетіні белгілі. Күннің ыстығында суық суға түсу адамның буындарының тырысып, сіңірлерінің тартылуына әкеп соғуы әбден мүмкін. Демек, ыстық күндерде судың беті бір метрге дейін қызғанмен, оның ар жағы тым салқын болып жатады. Күн ысыды, су да жылиды дегенге сенуге болмайды.

Баспасөз конференциясының соңында департамент қызметкерлері шетін жағдай туындаған кезде атқарылуға тиіс алғашқы іс-қимылдар туралы нұсқаулық-әдістемелік сабақ өткізді. Олар суға батып бара жатқан адамды құтқару үшін не істеу керек екенін және алғашқы медициналық көмекті қалай көрсететінін, дәрігер келгенге дейінгі атқарылатын процедуралар туралы нұқсаулар берді.

Енді, облыстағы өрт қауіпсіздігі мәселесіне келсек. Қазір облысты өрт қауіпсіздігі айлығы өткізіледі. Бір айта кетерлігі, дала өрттері жазда болса, ауыл-үй арасындағы өрттер жылыту маусымына тура келеді екен. Жыл сайын өткізіліп тұратын талдау және тұрақты мониторинг көрсеткіші осыны айқындап отыр.

Ал енді тиісті мамандар мен жауапты тұлғалар қауіпсіздік айлығында қандай шаралар атқарады? Бұл туралы Қазақстан Республикасы төтенше жағдайлар министрлігінің сайтында:

«Айлық шеңберінде Қостанай облысы Төтенше жағдайлар департаментінің қызметкерлері жылыту аспаптарының өрт қауіпсіздігі сәйкестігі бойынша жеке консультациялар форматында халықпен ауқымды профилактикалық жұмыс жүргізеді, көрнекі үгіт материалдарын таратады, теледидар бойынша және LED - экрандарға шығару арқылы оқыту және ескерту бейнероликтерін трансляциялайды, БАҚ арқылы өрт қауіпсіздігі саласындағы білімді жаппай насихаттау және т. б.», - деп жазылған.

Дала, орман өрттері негізінен табиғат пен жан-жануарлар жүниесі үшін аса қатерлі болса (әрине, адам үшін де қауіптілігі жоғары), тұрғын үй массивтері мен елдімекендер, қалалардағы өрт адам өмірі үшін аса қатерлі саналады. Одан бөлек, мүліктің бүлінуі мен жоғалуына да әкеп соғатыны белгілі. Жыл өткен сайын облыста атқарылып жатқан алдын алу жұмыстары мен қауіпсіздік іс-шараларына қарамастан, жағдай күрделене түсуде. Жыл сайынғы салыстырмалы талдауға сүйенсек, былтырғы жылыту маусымында алдыңғы жылдардағы көрсеткіштерге қарағанда тұрғын үй секторындағы өрттердің көрсеткіші 17 пайызға артқан, қаза болғандар саны бойынша да өсім бар, яғни, 23 пайызға артып отыр. Одан бөлек, улы газбен улану бойынша 9 жағдай тіркеліпті.

Осыған орай облыстық төтенше жағдайлар департаменті тұрғындар мен азаматтарға қауіпсіздік шараларын мұқият сақтап, өрттің алдын алуға бірлесе күш салу туралы үндеу тастады.

«Сіздің тарапыңыздан өрт қауіпсіздігін сақтау туралы мәселеге саналы көзқарассыз ТЖД қызметкерлерімен жүргізілген барлық жұмыстар нақты нәтиже бермейді. Осыған байланысты, Сізден осы мәселенің маңыздылығын назарға алуды және азаматтық қорғау органдары қызметкерлерінің ұсынымдарын егжей-тегжейлі ұстануды сұраймыз. Өз балаларыңызбен және туыстарыңызбен тұрақты жұмыс жүргізіңіз, бейәлеуметтік өмір салтын жүргізбеңіз, өрт қауіпсіздігі талаптарын бұзу фактілері туралы азаматтық қорғау органдарына хабарлаңыз. Өрт қауіпсіздігі ортақ іс», - дейді департамен өкілдері

Байланысты жаналықтар

Цой жаңа болжам ұсынды

14.07.2021

Часть улицы Валиханова в Семее не вернули народу

11.10.2022

Ішімдік – жамандықтың көзі

30.09.2020

I тоқсанда қанша оқушы коронавирус жұқтырғаны белгілі болды

17.11.2020

Қиындықты бірлесіп еңсерудің жолы

29.04.2020

Тоқаев: Қордай ауданының әкімі қызметінен алынсын

10.02.2020
MalimBlocks
Цой жаңа болжам ұсынды

Часть улицы Валиханова в Семее не вернули народу

Реорганизация областей и новое областное руководство в Семее не помогли общественнику Николаю Исаеву вернуть в народное пользование часть улицы Валиханова, примыкающую к междугороднему вокзалу.

Ішімдік – жамандықтың көзі

I тоқсанда қанша оқушы коронавирус жұқтырғаны белгілі болды

Қиындықты бірлесіп еңсерудің жолы

Тоқаев: Қордай ауданының әкімі қызметінен алынсын