ҚАЖ комитеті рақымшылық жасау актісі қолданылатын адамдар тобын түсіндірді, – деп хабарлайды Polisia.kz.
“Парламент Мәжілісі Депутаттары “ҚР Тәуелсіздігінің отыз жылдығына байланысты рақымшылық жасау туралы” заң жобасын қарауға кірісті. Қарастырылып отырған құжатта алғаш рет әлеуметтік жағынан осал адамдар ұғымы енгізілді. Заң жобасында қылмыстық теріс қылық жасаған және залал келтіруге әкеп соқпаған, не оны толық өтеген азаматтар мен мемлекеттің қауіпсіздігіне қатер төндірмейтін онша ауыр емес, сондай-ақ ауырлығы орташа қылмыстар жасаған сотталғандарды жазадан босату ұсынылады”, - делінген комитет хабарламасында.
Сондай-ақ, комитет Тәуелсіздіктің отыз жылдығы аясында жасалатын рақымшылық қай азаматтарға жасалмайтынын айтты.
Қазақстан Республикасы Тәуелсіздігінің отыз жылдығына рақымшылық жасау кәмелетке толмағандарға жыныстық тиіспеушілікке қарсы қылмыс жасағандарға, жемқорларға, адам өлтіргендер мен экстремистерге, қылмыстық топтардың бұрынғы қатысушыларына қатысты қолданылмайды. Яғни, ҚАЖ комитетінің түсіндірмесіне қарағанда "Шаңырақ оқиғасы" бойынша 18 жылға сотталған Арон Едігеев рақымшылыққа ілінбейді. Өйткені ол кісі өлтіру бабына қатысты сотталған еді. Дегенмен, мәжілістің бір топ депутаттары және зиялы қауымның кейбірі Арон Атабекке рақымшылық жасайтын кез келді деп отыр.
ҚАЖ комитетінде отыз жыл ішінде Қазақстанда 8 рақымшылық жасалған, соңғы төрт рақымшылық Қазақстан Республикасының Тәуелсіздік күндеріне орайластырылған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
