Президент тапсырмасымен Әлеуметтік кодекс тұжырымдамасының жобасы әзірленуде

  • 04.05.2021

Еңбек және халықты әлеуметтік қорғау министрлігі шілде айында Әлеуметтік кодекстің жаңа жобасын әзірлеп, талқыға ұсынбақ.

«Жаңа кодекстің негізгі мақсаты –  халықтың түсінуін жеңілдету үшін осы саладағы қолданыстағы заңнаманың барлық нормаларын   

(1 Кодекс, 16 заң және 100-ден астам заңға тәуелді актілер) бір құжатта шоғырландыру. Әлеуметтік кодекс азаматтардың ұсыныстарын ескере отырып әзірленеді және адам өмірінің әрбір кезеңіне қатысты бөлімдерді қамтиды. Бұл қазақстандықтарға мемлекеттік қолдау шараларын оңай түсінуге мүмкіндік береді», – деді ҚР Еңбек және халықты әлеуметтік қорғау бірінші вице-министрі Ақмәди Сарбасов.

Оның айтуынша, Кодексті қабылдау халықтың әлеуметтік заңнаманы түсінуін жеңілдетіп қана қоймай, нормативтік құқықтық актілер мазмұнының бірыңғай стилін қамтамасыз етеді (әлеуметтік қамсыздандыру саласындағы бірқатар заңдар 90-шы жылдардың басында қабылданған, ал одан бері НҚА әзірлеу тәсілдері айтарлықтай өзгерген).

Сондай-ақ, Кодекс шеңберінде азаматтардың әлеуметтік құқықтарын жүйелеу жүзеге асырылады – бір құжатта адамның өмір жолында, тіршілік әрекетінің барлық салаларында туындайтын барлық базалық құқықтар, оның ішінде ең төменгі әлеуметтік стандарттар көрсетілетін болады.

«Кодексті әзірлеу және қабылдау қазіргі уақытта қолданылып жүрген 16 заңның күшін жоюға алып келеді. Яғни, мысалы, қазір мүгедектігі бар адамдарды әлеуметтік қорғау мәселелері 5 Заңмен регламенттелетін болса, онда болашақта бір ғана Кодекс болады. Бұл ретте жаңа Кодекс бүгінгі күні бар барлық әлеуметтік кепілдіктер мен әлеуметтік қолдау нысандарының сақталуын, оның ішінде азаматтарды Мемлекеттік әлеуметтік сақтандыру қорынан зейнетақылармен, жәрдемақылармен және төлемдермен қамтамасыз етуді, мүгедектігі бар адамдарды оңалту құралдарымен және қызметтерімен қамтамасыз етуді қамтамасыз етеді», – деп атап өтті Ақмәди Сарбасов.

Тұжырымдама бекітілгеннен кейін Еңбекмині Әлеуметтік кодекстің өзін әзірлеуге кіріседі.Мемлекет басшысы Қасым-Жомарт Тоқаев 2020 жылғы 1 қыркүйектегі жолдауында  Әлеуметтік кодексті әзірлеу және қабылдау арқылы әлеуметтік заңнаманы шоғырландыру бойынша жұмысты бастауды тапсырған болатын.

 

Байланысты жаналықтар

БЖЗҚ төлемін тұрғын үй жағдайын жақсартуға пайдалану қағидасы өзгерді

01.03.2024

Биыл көктемде 20 мың адам әскери қызметке шақырылады

01.03.2024

QAZAQ AIR  басшысы Еркін Наурызбаев  қызметінен кетті

01.03.2024

Кімдер Қазақстан Президентінің күзетшісі бола алады?

01.03.2024

Шымкентте полицейлер жолда босанған әйелге көмектесті

01.03.2024

Көкшетау әкімдігі 2 млрд теңгеге заңсыз шарт жасаған

01.03.2024
MalimBlocks
БЖЗҚ төлемін тұрғын үй жағдайын жақсартуға пайдалану қағидасы өзгерді

Биыл көктемде 20 мың адам әскери қызметке шақырылады

Жас айырмашылығы - 18 бен 27 жас аралығы.

QAZAQ AIR  басшысы Еркін Наурызбаев  қызметінен кетті

Ол бұл қызметке  2022 жылы келген.

Кімдер Қазақстан Президентінің күзетшісі бола алады?

Мемлекеттік күзет қызметі қатарына мерзімді әскери қызметке іріктеу басталды.

Шымкентте полицейлер жолда босанған әйелге көмектесті

Қазіргі таңда  ана мен баланың жағдайы қалыпты.

Көкшетау әкімдігі 2 млрд теңгеге заңсыз шарт жасаған

Конкурс өткізбей, бір көзден сатып алу тәсілін пайдаланған.