Ауыр атлетикадан Азия чемпионаты Қазақстаннан Өзбекстанға ауыстырылды. Бұл туралы ҚазТАГ-қа сілтеме жасап Malim.kz хабарлайды.
Ауыр атлетика халықаралық федерациясының (IWF) хабарына қарағанда, бұл өзгеріс Қытайда таралып жатқан коронавирусқа қатысты қабылданған. Басты себеп – Қазақстан шекарасындағы сақтықтың күшейтілуі.
«Коронавирустың таралуы салдарынан Қазақстан Республикасы үкіметі вирустың тарау аймағының ұлғаюына байланысты Қытайдан және онымен шектесетін елдерден келетін жолаушыларға шектеу қойды. IWF-тің атқарушы кеңесі жағдайды тез арада талқылап, [ауыр атлетикадан Азия чемпионатын]Қазақстаннан Өзбекстанға ауыстыруға келісті», - делінген федерация мәлімдемесінде.
Қазақстанда өтуге тиіс болған, енді Өзбекстанға ауыстырылған чемпионат 16-25 сәуір күндері өтеді.
Бұл Қытайда таралған коронавирустың салдарынан ауыстырылған жалғыз спорттық шара емес. Бұған дейін бірнеше спорт түрлерінен өтетін жарыстар кейінге қалдырылған. Тіпті, коронавирус жақын арада тоқтамаса Токио-2020 олимпиадасының өзі өтпей қалуы мүмкін деген болжамдар айтылуда.
Оқи отрыңыз: Қытай вирусты жеңбесе, Токио олимпиадасы өтпейді
Токио демекші, Жапония жағалауында карантинге алынған Diamond Princess круиздік кемесінде Қазақстанның төрт азаматы (екі әйел, 8 және 12 жастағы екі бала) бар. Қазір оларды тексерудің соңғы кезеңі өтіп жатыр. Жерге түскен соң тағы бір тексеріледі, егер ауру белгілері анықталмаса елдеріне жіберілмек. Денсаулық сақтау министрлігі 4000 адаммен әлемді аралауға шыққан, коронавирус жұқтырған жолаушылар саны 355-ке жеткен кемедегі қазақстандықтардың жағдайы жақсы екенін мәлімдеген.
Соңғы мәліметтерге сүйенсек, коронавирус жұқтырғандар – 73 мыңнан асып, қаза болғандар саны 1873 адамға жетті. Сонымен қатар, 12552 адам коронавирустан айыққан.
Фото: sputniknews.kz
Байланысты жаналықтар
MalimBlocks
