Саясаткер Жасарал Қуанышәлин жансақтау бөлімінде жатыр
Әйелінің сөзінше, Қуанышәлин үйде жалғыз болған.
Саясаткер Жасарал Қуанышәлин жансақтау бөлімінде жатыр
74 жастағы оппозициялық саясаткер Жасарал Қуанышәлин ауыр науқастанып, ауруханаға түскен. Бұл ақпаратты Azattyq.org хабарлады. Саясаткердің әйелі, ақын Айсұлу Қадырбаеваның сөзінше, Қуанышалин үйде жалғыз болған.
– Кейінгі жарты жылда өзім де ауруханада жатырмын. Соңғы рет сөйлескенімде "маған ауруханаға жат деп жатыр" деген еді. "Маған қарайламай, жата бер" дедім. Бүгін серіктері телефон соғып, "есін білмей жатыр" деп хабарлады, – деді Айсұлу Қадырбаева.
Қоғам белсенділері Бибігүл Жоламанова мен Арман Иманжановтың айтуына қарағанда, Жасарал Қуанышәлинді бүгін сағат 12.00 кезінде жедел жәрдем ауруханаға әкеткен. Қазір ол Алматыдағы қалалық жедел жәрдем ауруханасының жансақтау бөлімінде жатыр.
Жасарал Қуанышәлин 1994-95 жылдары Қазақстан Жоғарғы кеңесінің депутаты болған. Кейін оппозицияға өтіп, түрлі ұйымның қатарында билік саясатын ашық сынап келді. Кейінгі жылдары партия құруға талпынғанымен, оларды әділет министрлігі әртүрлі уәжбен тіркемеген. Президент сайлауына түсуге ниет те білдіргенімен, кандидат ретінде тіркеле алмаған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
