Бүгін Қазақстанның түкпір-түкпірінде Тәуелсіздік күні тойланып жатыр. Осы күнге орай еліміздегі саяси партиялардың өкілдері Алматыдағы Тәуелсіздік монументіне гүл шоқтарын қойды.
Парламент сайлауына қатысатын Nur Otan, ADAL, "Ауыл" және "Қазақстанның халық партиясының" өкілдері Алматыдағы Тәуелсіздік монументіне гүл қою рәсіміне қатысты. Іс-шара кезінде барлық санитарлық талаптар сақталды.
Nur Otan партиясының Jas Otan жастар қанатының 500-дей өкілі Алматы көшелерімен жүріп, Желтоқсан оқиғасының құрбандарын еске алып, "Менің елім" әнін шырқады. Артынша алаңдағы Тәуелсіздік монументіне гүл қойды. 
"Ақ жол" партиясының жетекшісі Азат Перуашев елді Тәуелсіздік күнімен құттықтап, әр қазақстандықты мемлекетті өркендетуге үлес қосуға шақырды.
"Қазақстанның Халық партиясының" Алматы қалалық комитетінің төрағасы Әлібек Шапенов те бұл мерекенің айрықша маңызды екенін жеткізіп, елдің өркендеп дамитынына сенім білдірді.
"Ауыл" партиясының өкілдері де көпшілікпен бірге гүл шоқтарын қойды.
Биыл Қазақстан тәуелсіздігіне 29 жыл толды.
Саяси партиялар гүл шоқтарын қойған Тәуелсіздік монумені 1996 жылы 16 желтоқсанда ашылған болатын.
Байланысты жаналықтар
MalimBlocks
Реклама депутата Даулета Мукаева обернулась скандалом
Жители столичного комплекса Bai-Tursyn жалуются на рекламу депутата парламента с большой аудиторией в соцсетях Даулета Мукаева. Они считают, что парламентарий, еще до обретения депутатского мандата, ввел их в заблуждение, рекламируя новостройки, качеством которой они сейчас недовольны.