Сот орындаушы 800 мың теңге көлемінде алимент ұрлаған
Мұнымен қоймай, борышкердің жүргізуші куәлігінің қолданылуын тоқтатуға дейін шара қабылдаған.
Алматы облысында жеке сот орындаушы бір жарым жыл бойы алимент жымқырып келген, деп хабарлайды Алматы облысының прокуратурасы. Осы уақыт аралығында баланы асырауға сот орындаушысының арнайы шотына борышкердің жалақысынан 816 мың теңге аударылған.
Сот орындаушы бұл ақшаны баланың анасының шотына әрі қарай аудармаған. Мұнымен қоймай, борышкердің жүргізуші куәлігінің қолданылуын тоқтатуға дейінгі барлық шектеу шараларын қабылдаған.
Сот орындаушының заңсыз әрекеттерінің кесірінен әкесі жұмысынан және табыс көзінен, ал баласы өзіне тиесілі алименттен айырылған.
Сот орындаушыға қатысты ҚР ҚК 251-бабы (Жеке сот орындаушының өкілеттігін теріс пайдалану) бойынша қылмыстық іс қозғалды.
Сондай-ақ, борышкердің жүргізуші куәлігі қалпына келтіріп, ол бұрынғы жұмысына қайта орналастырылған.
Фото: интернеттен
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
