Спутник V Боранбаевпен бірге кетті ме?
Қазақстандықтарға Pfizer-мен ревакцинация жасауға рұқсат берілді. Ведомствоаралық комиссия шешімімен бейсенбіден бастап, Pfizer вакцинасын алуға құқылы адамдар саны артты.
Американдық вакцинаны алуға рұқсаты бар адамдар санаты төмендегі топтармен толықты:
- бастапқы вакциналаудан өтетін, профилактикалық вакцина алғысы келетін адамдар;
- түрлі себептермен шетелге шығу үшін қайталама екпе алушылар;
- шетелде алған вакцина курсын аяқтау үшін екпе алушы тұлғалар;
- COVID-19 вирусына қарсы ревакцинация алушы барлық топтағы адамдар.
Айта кетейік, осы кезге дейін Қазақстанда Pfizer-ді тек аяғы ауыр әйелдер мен жасөспірімдер ғана алатын. Басқа азаматтар отандық QazVac, ресейлік Спутник V, қытайлық Sinovac және Hayat-Vax вакциналарын ғана салғыза алатын. Оның өзінде Спутниктен вакциналарды табу қиынға түсетін.
Оқи отырыңыз: Ресей вакцинасына Боранбаевтың қатысы қандай?
Сарапшылар бұл вакцинаның кең таралуын экс-президент Нұрсұлтан Назарбаевтың экс-құдасы Қайрат Боранбаевпен байланыстыратын. Себебі аталмыш вакцинаны Қазақстанда өндіруге сертификатталған "Қарағанды фармацевтика кешені" ЖШС-нің жалғыз құрылтайшысы – «НеоТекФарм" ЖШС-нің құрылтайшысы Боранбаев болып шыққан. Ал ол 15 наурыз күні ұсталып, 17 наурызда 2 айға қамауға алынғаны белгілі. Тура бір аптадан кейін, яғни 24 наурыздан бастап, қазақстандықтар үшін таңдаулы вакцина Спутник емес, Pfizer болмақ.
Боранбаев қамауға алынған соң, шешім өзгеріп жатыр ма? Әлде, басымен қайғы болып кеткен Ресейдің вакцина өндіруге қолы тимей жатыр ма?
MalimBlocks
