Шымбұлақта апаттың алдын алу үшін қар көшкіні жүргізілді

Алматы қаласының тауларында қар көшкінінің жүру қаупі болғандықтан, құтқарушылар профилактикалық қар түсіру жұмысын жасап жатыр.

Ақниет Аманжолқызы

  • 31.03.2022

Шымбұлақ тау шаңғы кешені аумағында демалушылардың қауіпсіздігін қамтамасыз ету  мақсатында "Аваланчер" пневматикалық қондырғысының арқылы  қар көшкіні жүргізілді. Нәтижесінде 300 шаршы метр қар тау шаңғысы трассасына дейін түсіп, Шымбұлақтағы төтенше жағдайлар бөлімінің бульдозері жолды тазалап өткен. Жасанды көшкіннен зардап шеккендер жоқ, қар жазық аймаққа бағытталғандықтан ғимараттарға да зардабы тимеген.

Қазір қалаға жақын тауларда қардың тұрақсыз күйіне және жауын-шашынның түсуіне байланысты көшкін қаупінің жоғары деңгейі байқалады.

Ауа райының құбылуы салдарынан Медеу ауданы Көктөбе ықшам ауданында топырақ көшкіні жүріп өткен. Көшкін Нұрмағамбетов көшесінен Орманов көшесіне дейін жүріп, "Жайлау" этно-кафесінің аумағына келгенде 450-500 текше метр топырақ болған. Абырой болғанда көшкін Кіші Алматы өзенінің арнасына түспеген. Қазселденқорғау мекемесі мен төтенше жағдайлар департаменті аймақты топырақтан тазалап шыққан.

Қалалық төтенше жағдай департаменті мен Қазселденқорғау мекемесі тұрғындарды тауға бармай тұра тұруға шақырады. Сонымен қатар, 30 наурызда қала мен тауға жауған жауын-шашын әсерінен таудағы қар жамылғысы тұрақсыз болып тұрғанын ескертеді. Яғни 31 наурыз бен 2 сәуір аралығында тауда қатты қар көшкіні жүруі мүмкін.

Төтенше жағдайлар министрлігі жауын-шашын мен қар көп түсетін таулы аймақтарда және топырақ көшкінінің қаупі бар аймақтарда тұрғын үй салмауға шақырады. Үйлерді салу, жолдарды кесу, жоспарлау жұмыстары үшін таудың бір бөлігін бұрғылау да қауіпті. Мұндай жерлерде үй салған жағдайда герметикалық емес септиктерді, дәретханаларды және т. б. жеңіл құралдарды пайдалануға тыйым салынады. Тұрғын үй алаптарының иелеріне, бау-бақша және саяжай иелеріне су құбыры және суару құбырларының жай-күйін ұдайы бақылап отыру керек.

Байланысты жаналықтар

Хостелде шыққан өрт. Алматы әкімі Досаев пікір білдірді

30.11.2023

Алматыда хостелден өрт шығып, 13 адамның денесі табылды

30.11.2023

Жол шұңқырын кілеммен жапқандар әшкереленді

03.11.2023

Президентке үндеу. Алатауды Алматы әкімінен құтқарыңызшы...

05.10.2023

Шымбұлақ Гиннесс рекордтар кітабына енді

27.03.2023

Қазақ әнін менсінбейтін мейрамхана қателігін мойындады

16.03.2023
MalimBlocks
Хостелде шыққан өрт. Алматы әкімі Досаев пікір білдірді

Өрт орнынан 59 адам эвакуацияланды

Алматыда хостелден өрт шығып, 13 адамның денесі табылды

Аты-жөндері анықталып жатыр

Жол шұңқырын кілеммен жапқандар әшкереленді

Асфальт төсеу жұмыстары аяқталған

Президентке үндеу. Алатауды Алматы әкімінен құтқарыңызшы...

Бауыржан Байбек бастаған дауды Ерболат Досаев жалғастырмақ па?  Алматының бір топ эко-белсенділері бүгін, 5 қазанда баспасөз жиынын өткізіп, президент Қасым-Жомарт Тоқаевқа үндеу жариялады. Онда олар президенттен Алатауды Алматы әкімдігінен құтқаруды сұрап отыр.  

Шымбұлақ Гиннесс рекордтар кітабына енді

«Әлемдегі ең биік түнгі тау шаңғы трассасы» номинациясы бойынша

Қазақ әнін менсінбейтін мейрамхана қателігін мойындады

Алматылықтар байкот жариялаған