Аумағының 70-80 пайызы жер үйден тұратын Шымкенттің келбеті алдағы уақытта заманауи қаладай өзгермек. Инвестиция штабының кезекті отырысын бір сөзбен осылай түйіндеуге болады. Мәселен, жеке инвесторлар қаланың үш ауданында «Шымкент сити» жобасымен жаңа үлкен шағын аудан салмақ екен. Жаңа ауданның қандай болмағын әкім Мұрат Әйтенов әзірден талап етіп, айтып отыр.
«Қаланың даму жолы аясында, әр ауданның өз орталығы, өз саябағы, өз емханалары, өз мектептері болуы қажет. Сондықтан болашақта әр ауданнан «Шымкент сити» секілді үлкен жаңа, заманауи шағын аудандар саламыз. Жаңа құрылысқа инвесторларды тарту жұмыстарына аудан әкімдері де атсалысуы керек. Халық орталыққа қарай емес, қажеттісін өз ауданынан шықпай-ақ таба білуі тиіс»,- депті қала басшысы.
Шаһар басшысы құрылыстың қарқынды жүретініне сенімді. Өйткені, оның сөзінше Шымкент бүгінде инвестицияға өте қолайлы қала. Экономикалық аймақ пен бірнеше индустриалды аймақ құрылған. Жақында жаңадан «Жұлдыз» индустриалды аймағы ашылып, құрылыс, металлургия, фармацевтика, жиһаз өнеркәсібі шоғырланбақ. Елуден астам кәсіпорын құрылмақ. Сондай-ақ, «бір терезе» қағидатымен кедендік салықтық режимі, тегін жер телімі, мемлекеттік қолдау және дайын инфрақұрылым жұмыстары бюрократиясыз құжатталмақ. Айтпақшы, АГРС-3 автоматтандырылған газ станциясы пайдалануға толық берілгенде кәсіпкерлік саласы100 пайыз сапалы көгілдір отынмен, ал, «Бозарық» қосалқы станциясы қосылғанда электр қуатына толық қол жеткізеді екен.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
