Шымкентте күн санап адам саны артқан сайын, кептеліс те күшейіп келеді. Сондықтан, алдағы уақытта қаладағы көлік кептелісін шешу үшін көп жұмыстар атқарылуға тиіс. Соның бірі қазір салынып жатқан жолайырық құрылысы.
Шымкент қаласы әкімінің орынбасары Мақсұт Исахов жолайырық құрылысын тексеріп, атқарылып жатқан жұмыстармен танысты.
– Жол құрылысы саласында қысы-жазы тоқтаусыз қызу жұмыс жүріп жатыр. Қазіргі ең үлкен маңызды жобалардың бірі – Қонаев даңғылы мен Рысқұлов көшесі қиылысындағы жолайырық. Тоқтаусыз жұмыс нәтижесінде бүгінге дейін 1,92 шақырым су, 1,82 шақырым газ құбырларының, 1,2 шақырым электр және 6 шақырым байланыс сымдарының орны ауыстырылды. Сондай-ақ, 350 м тоннель қазылып, 220 м тіреу қабырғалары құйылды, 7 дана бағана орнатылып, 106 дана қада құйылды. Жоспарланған меже бойынша Қонаев даңғылын 1 қыркүйекке дейін, ал Рысқұлов көшесін көпірдің құрылысымен бірге 1 қарашаға дейін ашуымыз керек», – дейді М.Исахов.
Қала әкімінің орынбасары Қонаев даңғылы жалғасының 3-кезеңі туралы да айтты. Оның сөзіне қарағанда, қазір 700 м екі бағытты айналма теміржолын, 948 м кәріз құбырын салу, 3,4 шақырым кабель желілері, 24 теміржол электр бағаналарын және 2 дана жерасты жаяу жүргіншілер өткелін орнату жұмыстары орындалып болған. Қазір уақытша айналма теміржолының 2 бағыты негізгі магистралды теміржолға қосылып, көпір қадаларын құю жұмыстары қызу жүргізіп жатыр.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
