Еліміздің төртінші және сегізінші сыныптың оқушылары халықаралық «TIMSS» зерттеулеріне қатысады.
Білім беру саласындағы сапаны қамтамасыз ету комитетінен жеткен ақпаратқа сүйенсе,к биылғы жылдың сәуір айынан бастап TIMSS-2023 халықаралық зерттеуінің негізгі кезеңі басталмақ. Оған Республикалық маңызы бар 3 қала және өңірлердегі 195 мектептен 12 мыңнан астам оқушы қатысады.
«Зерттеудің мақсаты – бастауыш және негізгі мектеп оқушыларының жаратылыстану мен математикалық дайындығының сапасын бағалайды. Оған төртінші және сегізінші сыныптардың оқушылары, мектептер әкімшілігі, математика мен жаратылыстану пәндерінің мұғалімдері, төртінші сыныптың ата – аналары қатысады, және оқушылар тестілеу мен сауалнамадан өтеді. Ата – аналар мен әкімшілік, мұғалімдер арасында сауалнамалар жүргізіледі, және бұл зерттеу осы жылдан бастап компьютерлік форматта өткізілмек» , - деді комитет төрағасы Ернұр Дауенов.
Енді, бұл зерттеудің мән-маңызы туралы бірер сөз. Халықаралық TIMSS зерттеулері 1995 жылдан бастап 4 жылдық кезеңмен өткізіліп келеді, Қазақстанда алғаш рет 2007 жылы ҚР ғылым және білім министрлігіне қарасты «Ұлттық білім беру сапасын бағалау орталығында» өткізілді.
Бұл зерттеу оқушы қабілетін емес, оқу барысындағы үйренген білімі мен дағдыларын өмірлік тәжірибелерінде қолдана білу қабілеттіліктерін бағалауға негізделген. Зерттеу білім жетістіктерін бағалаудың Халықаралық Ассоциациясымен жүзеге асырылады. Оның құрамына Білім саласын тестілеу қызметі (ETS – АҚШ); Канада статистика орталығы (statistics Canada); Білім жетістіктерін бағалаудың Халықаралық Ассоциациясының ақпараттарды өңдеу орталығы (DPC IEA – Data Processing Center IEA,Германия); Білім жетістіктерін бағалаудың Халықаралық Ассоциациясының хатшылығы (IEA, Нидерланды); Халықаралық басқарушы орталығы (Бостон колледжі) сияқты атақты оқу орындары кіреді.
Халықаралық бұл зерттеуде типтік математикалық есептер берілмейді. Ол жерде математикалық тапсырмалар өмірлік мәселелерге жақын, қоршаған ортамен, мектеп өмірімен, оқушының жеке өмірімен, өміріндегі түрлі жағдайдағы математикалық талдауды талап ететін мәліметтер, кәсібилігі және спорт туралы мәліметтер беріледі.
TIMSS зерттеулері 3 математикалық құзыреттіліктің деңгейлерін қарастырады: білім деңгейі, қолдану деңгейі, тұжырымдау деңгейі. Ол арқылы қатысушы елдердегі оқушылардың білім деңгейлері, білім жүйесіндегі өзгерістерді, жүргізіліп жатқан реформалардың салдарын анықтауға мүмкіндік туады.
Зерттеу нәтижелері бойынша Қазақстанның бұған дейінгі зерттеулерге қатысу қорытындыларын ескеріп, ұлттық есеп жарияланады. Зерттеу арқылы мектептегі білім деңгейі мен сапасын анықтап, жаратылыстану, математикалық циклды пәндерін оқытудың жаңа әдістемелерін пайдалана алады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
