Шымкент қаласында көшенің сәнін кетіретін және заңсыз саудаға апарып соғатын жабайы сауда орындарын ретке келтіріп, ондағы кәсібін жолға қойсам дейтін, бизнесін енді бастағандарға қолдау көрсету үшін жаңа жобалар қолға алынып жатыр. Соның негізгісі шағын және орта кәсіпкерлікті дамытудағы жобаларды жүзеге асыруға қолдау көрсететін мекеме – «Shymkent INVEST» – «Бизнеске арналған үкімет» фронт-офисі екені даусыз.
Бұл фронт офис арқылы жаңа бастаған кәсіпкерлер «Бизнестің жол картасы – 2025» мемлекеттік бағдарламасы бойынша көмек ала алады. Соның негізгісі арнайы тағайындалған гранттар. Шағын және орта кәсіпкерлік үшін арнайы құжат тапсырғандардың «Атамекен» кәсіпкерлер палатасы тағайындаған 583 400 теңге грантын ұтып алуға мүмкіндігі бар.
«Шағын және орта кәсіпкерлікті дамыту елдің басты стратегиялық мақсатына айналған бүгінгі қоғамда ойға алған жоспарды орындауға ешнәрсе де кедергі емес. Мемлекет бизнесті өркендетуге, оның жолындағы кедергілерді жоюға бар күшін салуда», – дейді ұйымның жетекшісі Саят Уалиев.
Уәлиевтің айтуынша, жабайы сауданы реттеу үшін «1000 сауда нүктесі» деп аталатын жоба басталған. Арнайы бөлінген 16 ш.м. жерге дүңгіршек ашып, саудасын заңдастыра алады. Бұл өз кезегінде көшеде тұрған саудагерлердің аяққа тұрып кетуіне берілген үлкен мүмкіндік. Кәсіпкер «Shymkent» ӘКК арқылы мұндай учаскені конкурс арқылы алады. Сондай-ақ, бұл саудагерлердің ай сайынғы жалға алғаны үшін төлейтін ақшасының да қалтасында қалуына мүмкіндік бермек.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
