Жас ғалымдарға биылдан бастап жыл сайын 3 миллиард теңге көлемінде грант бөлінетін болды.
"2020-2022 жылдар аралығында жас ғалымдардың ғылыми жұмыстарына 9 миллиард теңге көлемінде грант беріледі (жыл сайын 3 миллиард теңгеден бөлінеді), - делінген үкімет баспасөз қызметінің хабарламасында.
Үкімет биыл қандай ғылыми жобаларды қаржыландыратынын анықтап қойыпты. Хабарламаға қарағанда, ұлттық ғылыми кеңестің мемлекеттік ғылыми-техникалық және экономикалық сараптамасы жеті бағыт бойынша жас ғалымдардың 1013 жобасын іріктеп шыққан.
Энергетика және машина жасау саласынан 102, табиғи ресурстар, оның ішінде су ресурстары, геология, қайта өңдеу, жаңа материалдар мен технологиялар, қауіпсіз өнім және конструкция саласы бойынша 313, ақпараттық, телекоммуникация, ғарыш технологиялары мен жаратылыстану саласынан 167 жоба таңдалып алыныпты. Ал агроөнеркәсіп кешенін дамыту мен ауыл шаруашылығы өнімдерінің қауіпсіздігіне қатысты 139, денсаулық саласы бойынша 127, "Мәңгілік Ел" ғылыми негіздері (ХХІ ғасырдағы білім беру, гуманитарлы ғылымдар саласындағы қолданбалы зерттеулер) бойынша 155, ұлттық қауіпсіздік пен қорғаныс саласына қатысты 10 ғылыми жұмыс қаржыландырылады.
Үкімет жанындағы жоғарғы ғылыми-техникалық комиссия "жаратылыстану саласындағы ғылыми зерттеулер" бағытын арнайы бөліп шығарып, басымдық беріп отыр. Мұндағы мақсат - елдегі жаратылыстану ғылымын дамыту, осы саладағы ғалымдарды қолдау және Қазақстандағы осы бағыттағы мектептерді дамыту.
Фото: presidentfoundation.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
