"Астана" футбол клубының бас директоры қызметіне Қайсар Бекенов тағайындалды, деп хабарлайды Malim.kz.
Жаңа басшыны директорлар кеңесінің төрағасы Михаил Гурман таныстырды. Бұған дейін астаналық клубтың директоры қызметінде Ғазинұр Әлімов болған еді. Ғазинұр басқа жұмысқа ауысуына байланысты өз орнын босатты.
Айта кетейік, Қайсар Рауфұлы 2013-2019 жылдары “Астана” клубының басшылық құрамында жұмыс жасады.
"Астана" – Қазақстан футболы тарихында Чемпиондар лигасының топтық кезеңіне шыққан отандық тұңғыш команда болды. Сондай-ақ елордалық клуб Еуропа лигасының топтық кезеңінен плей-оффқа өткен алғашқы ұжым болған еді.
Фото: kff.kz
MalimBlocks
