«Астана» Конференция лигасының топтық кезеңіне шықты
Елордалық команда норвегиялық «Бранн»-ды ойсырата ұтты
«Астана» футбол клубы Конференция лигасының плей-офф кезеңіндегі матчында норвегиялық «Браннмен» ойнап, 3:0 есебімен ұтты, деп хабарлайды Malim.kz.
Sports.kz жазуынша, Алматыда өткен матчта бірінші таймда алаң иелері бірқатар қауіпті сәт жасағанымен тең өтті. Норвегиялықтарда да гол соғатын мүмкіндік болғанымен, қақпашы Иосип Чондрич бірнеше сәтте құтқарып қалды.
Екінші тайм басталғаннан астаналықтар шабуылға шығып, Чинеду баспен бұрышқа соққы жасап, елордалық команданы алға шығарды. Одан соң қарсылас қақпасына қарай қысымды күшейтіп, нигериялық шабуылшы қарсылас қақпашысының қателігін пайдаланып есепті еселеді. Ал ойын соңына қарай Рамазан Каримов үшінші голды салып, есепті 3:0-ге жеткізді.
Осылайша, «Астана» футбол клубы Конференция лигасының топтық кезеңіне шықты.
Фото: instagram / fca.astana
