DALA FIGHTING CHAMPIONSHIP халықаралық турнирінен фоторепортаж

Астанада DALA FIGHTING CHAMPIONSHIP халықаралық турнирі өтті. Айтулы шараға АҚШ, Египет, Үндістан, Әзірбайжан, Бразилия, Қырғызстан, Түркия және Иранның танымал жекпе-жек шеберлері келген. Турнирдің ең қызықты сәттерінен фоторепортаж ұсынамыз. 

Турнир Руслан Шаносовтың жеңісімен басталды. Ол қарсыласын мерзімінен бұрын жеңді.

Сұлтан Қияловқа Мұхаммед Голамиді тұншықтырып тастауға жарты минут қана кетті. Бұл оның төртінші жеңісі.

Қожахмет Иманғали ирандық Саман Морадмандты арқасынан қылқындыру әдісімен жеңілуге мәжбүр етті. Ол бес жекпе-жек өткізіп, барлығында жеңіске жетті.

Байрам Шаммадов екінші раундтың соңында Ержан Естановты бауырға соққымен нокаутқа түсірді. 39 жастағы қазақстандық үшін бұл мансабындағы тоғызыншы жеңіліс, сонымен қатар оның 18 жеңісі мен бір тең нәтижесі бар.

Қырғызстандық Шермұрат Калилов бір минуттың ішінде бразилиялық Тагоре Калью Дос Сантоспен жеңілмей есеп айырысты!

Аян Тұрсын мен Эдна Оливейра арасындағы кездесу өте тартысты болып, үш раундтың бәрінде оқиғаға толы болды. Барлық үш төреші бір ауыздан жеңісті қазақстандық қызға берді!

Құрбысын қолдауға келген әйгілі боксшы Назым Қызайбай көрермендер арасынан көзге түсті. 

Еркебұлан Тоқтар Dala Fighting Night турнирінің ко-мэйн ивентінде Хайсам Эльсаидты нокаутқа түсірді!

Кештің басты жекпе-жегінде Василий Тахтай ерекше жеңісімен көрермен құрметіне бөленді. Оған АҚШ-тан келген 34 жастағы Уил Чоп қарсы шықты. Сөйтіп, жерлесіміз жеңіл салмақтағы DFC жаңа чемпионы атанды.