Нұралы Әліп «Зенит» – «Тальерес» кездесуінде жаппай төбелес туғызды (ВИДЕО)
Сосын өзі қызыл қағаз алды
Ресейлік «Зенит» пен аргентиналық «Тальерес» футбол клубтары кездескен Жазғы кубок матчы ойыншылардың жаппай төбелесімен аяқталды. Төбелестің белортасында Нұралы Әліп жүр, деп хабарлайды Malim.kz.
Нұралы тентек мінезін ойынның 92-минутында көрсетті. Командаласына араша түсем деп келген ол қарсыластарының біріне келіп дүрсе қояды. Оған шамданған қарсыластары жабылып Нұралының өзіне тап береді.
Championat.com жазуынша, төреші Кирилл Левников үш футболшыны, оның ішінде «Зениттің» қорғаушысы Нұралы Әліпке қызыл қағаз көрсетіп, ойыннан шығарып тастады. Сөйтіп ол ойынды бірер минут қана ертерек аяқтады.
Командалар Санкт-Петербургтегі «Газпром Арена» (Санкт-Петербург) стадионында ойнаған еді. Ойында «Зенит» 1:0 есебімен жеңіске жетті. Зенит шабуылшысы Густаво Мантуан 65-минутта пенальтиді қатесіз орындады.
Фото: championat.com
