Қысқы универсиада: Мәнерлеп сырғанаушы Софья Самоделкина қола алды
Спортшы еркін бағдарлама бойынша 66,43 балл жинап,үздік үштікті түйіндеді
Қазақстан қоржыны тағы бір медальмен толықты. Италияның Турин қаласында өтіп жатқан XXXII Қысқы универсиада ойындарында мәнерлеп сырғанаудан Софья Самоделкина қола алды,- деп хабарлайды Malim.kz.
Ол еркін бағдарлама бойынша 66,43 балл жинап,үздік үштікті түйіндеді.
Аталған бағдарлама бойынша чемпиондық атаққа жапониялық Рион Сумиеси (204,29) ие болса, күміс жүлдеге оның отандасы Монэ Тиба (203,85) қол созды.
Бұл - ел құрамасы қоржынына түскен он бірінші медаль.
Еске салсақ, қазірге дейін қазақстандық спортшылар медальдар кестесінде үш алтын, төрт күміс, үш қола алды. Ел құрамасы қоржынына қос алтынды фристайлшы Анастасия Городко салса, биатлоннан 10 шақырымдық спринт жарысында Никита Акимов та жеңіс тұғырына көтерілді.
Ал Аяулым Әмренова мен Антон Бондарев (екеуі де фристайл жұптық-могул) және Денис Зинов екі мәрте (парашаңғы, 10 шақырым, 1400 метр спринт) күміс, Роман Құрбанов екі мәрте (парашаңғы, 10 шақырым, 1400 метр спринт), биатлоншы Арина Крюкова қола медаль алды.
Фото: © Д.Челяпин / Матч ТВ
