Асхат Аймағамбетов оқу орындарын не үшін жауып жатыр?

Malim Админ

  • 18.02.2021

Асхат Аймағамбетов оқу орындарын не үшін жауып жатыр? Білім және ғылым министрлігінің өкілдері бүгін өткен онлайн брифингіде жоғары оқу орындарын не себепті лицензиядан айырып жатқанын түсіндірді.

Білім және ғылым вице-министрі Мирас Дәуленов оқу орындары қандай талаптарға сай келмесе, лицензиядан айырылатынына тоқталды. Вице-министрдің айтуынша, қандай да бір жоғарғы оқу орнын лицензиядан айыру бір күндік шаруа емес, бұл 1,5 жылға созылатын процесс.

"Білім және ғылым министрлігі тексеретін оқу орындары тәуекелдерді бағалау жүйесіне кіреді, ол тәуекелдерді оқу орнының өзі толтырған. Кәсіпкерлік кодестің қабылданғанына 3 жыл болды. Осы кодексте тексеру механимдері жазылған. Яғни білім және ғылым министрлігі тексерісті сол жүйеге сәйкес жасайды. Жоғарғы оқу орны тиісті карта мен құжаттарды электронды түрде толтырады, сөйтіп, бүкіл тәуекелдер жүйеде көрінеді. Жұмыс берушілер немесе басқа ұйымдар министрлікке хабарласып, қандай да бір жоғарғы оқу орны диплом сатады десе, министрлік әрекетсіз отыра алмайды", - деді Мирас Дәуленов.

Вице-министрдің айтуынша, алғашқы тексерістен кейін оқу орнына кемшіліктерді жоюға уақыт беріледі. Кемшіліктер жойылмаса, министрлік тағы бір тексеріспен келеді.

Бүгін tengrinews-ке сұхбат берген білім және ғылым министрі Асхат Аймағамбетов те жоғарғы оқу орындарын не үшін жауып жатқанына тоқталған.

"Студент 1-курсқа түсіп, құжатын тапсырады. 4-курсты бітіргенде құжаттарын әкетеді. Бұл кімге керек? Бізде бір топта 2-3 адам ғана оқитын оқу орындары көп, оның көбі жекеменшік. Бұл экономикалық жағынан да тиімсіз. Ал бұдан сіз, мен, бүкіл қоғам зардап шегеді. Өйткені ол оқу орындарынан нашар заңгер, бәлкім, судья, прокурор, мұғалімдер мен дәрігерлер шығады", - деді Асхат Аймағамбетов.

Бүгін брифингіде оның ойын құптаған вице-министр Мирас Дәуленов те жоғары оқу орындарына диплом үшін түсетіндер көбейгенін айтты.Оның айтуынша, күндізгі бөлімде жасы 30-дан асса да оқып жүрген студенттер баршылық.

"Олардың бірінші курста-ақ зейнетақы жарнасы бар. Олардың жастары әртүрлі. Бір оқу орнындағы студенттердің көпшілігінің жасы 30-дан асып кеткен. Оларды тексерсек, бұл студенттер компаниялар мен ұйымдарда күніне 8 сағаттық жұмыс істейді екен. Сонда жұмыс істеп жүрген олардың қашан оқитыны түсініксіз. Сондықтан оқу орны мұндай тәуекелдердің бәрін біледі, біз оларды сол тәуекелдер бойынша тексереміз", - деді Мирас Дәуленов.

Білім және ғылым министрлігі жақына 58 жылдық тарихы бар Қазақ медициналық үздіксіз білім беру университетін лицензиядан айырған. Бұл әлеуметтік желіде қызу талқыланып, министрлікті ашық емес тексеріс жүйесі сынағандар болды.

 

Байланысты жаналықтар

Депутаттар мектепті жайлы әрі қауіпсіз жасамақ

30.05.2023

Мені жамандай бер! – Аймағамбетов несімен есте қалды?

05.01.2023

Енді 5-8 және 10-сынып оқушылары қазақ тілінен емтихан тапсырады

10.11.2022

Педагог өлімі: Аймағамбетов көңіл айтқан жоқ, бақылаушылар қашып кетті – куәгерлермен сұхбат

15.04.2022

Бала өлімі, сотталған мұғалім: НЗМ-дағы жайттарға қатысты Аймағамбетов не деді?

13.12.2021

Ақтөбеде Аймағамбетовке хат жазғаның үшін сотталып кетуің мүмкін

10.09.2021
MalimBlocks
Депутаттар мектепті жайлы әрі қауіпсіз жасамақ

Мені жамандай бер! – Аймағамбетов несімен есте қалды?

Кешегі тағайындаулардың ішінде елдің назарын ерекше аударған – Оқу-ағарту министрі Асхат Аймағамбетовтің орнынан кетуі болды. Үш жарым жыл бойы министр болған Аймағамбетовті қимайтындар аз емес екен.  

Енді 5-8 және 10-сынып оқушылары қазақ тілінен емтихан тапсырады

Қазақстанда жаңа оқу жылынан бастап 5-8 және 10 сынып оқушылары қазақ тілінен емтихан тапсырады. Оқу-ағарту министрлігі осындай хабар таратты.

Педагог өлімі: Аймағамбетов көңіл айтқан жоқ, бақылаушылар қашып кетті – куәгерлермен сұхбат

Кеше Алматыдағы көлік және логистика академиясында ұлттық біліктілік тестін (ҰБТ) тапсыру кезінде 1973 жылы туған педагог қайтыс болды. Malim.kz тілшісі кеше тест тапсырған педагогтермен сөйлесіп, оқиғаны куәгерлер көзімен баяндайды (кейіпкерлердің қауіпсіздігі мақсатында кейбір ұстаздардың аты-жөні өзгертілген).

Бала өлімі, сотталған мұғалім: НЗМ-дағы жайттарға қатысты Аймағамбетов не деді?

Сотталған шетелдік азамат мектепке қалай жұмысқа орналасты? Тергеу әлі жалғасып жатыр.

Ақтөбеде Аймағамбетовке хат жазғаның үшін сотталып кетуің мүмкін