Киік мүйізін «кәсіпке» айналдырғандар ұсталды

Malim Админ

  • 02.03.2020

Киік мүйізінен дәрі-дәрмек жасалады. Және киік мүйізі қара базарда қымбатқа бағаланады. Осыған байланысты елімізде киік мүйіздерін саудалайтындар толастамай тұр. Батыс Қазақстан облысының тұрғыны 170-тен астам киік мүйізімен ұсталды. Батыс Қазақстан облысы Полиция департаментінің баспасөз қызметінен түскен мәліметке қарағанда, 28 ақпан күні жедел іздестіру шаралары барысында Орал қаласына қарасты Круглоозерный кенті тұсында 26 жастағы жүргізуші айдап келе жатқан «ВАЗ-2107» автокөлігі тоқтатылған. Көлік салонынан үш жол сөмкесіне салынған 126 дана киік мүйізі табылды. Күдікті Жаңақала ауданы Мәстексай ауылының тұрғыны болып шықты. Оның мекенжайын тексеру барысында тағы 48 мүйіз тәркіленді. Күдікті уақытша ұстау изоляторына қамалды. Аталған дерек бойынша Қазақстан Республикасы Қылмыстық Кодексінің 399-1-бабы 1-бөлігіне сәйкес (сирек кездесетін және жоғалып кету қаупі бар, сонымен қатар пайдалануға тыйым салынған өсімдіктер немесе жануарлар және олардың дериваттарын заңсыз пайдалану) тергеу амалдары жүргізіліп жатыр. Бұл бап бойынша айыпты адам 7-ден 12 жылға дейін бас бостандығынан айырылуы мүмкін.

Еске сала кетейік, бұдан бұрын да Батыс Қазақстан облысы тұрғынынан 100-ден астам киік мүйізі тәркіленген. Бөкей ордасы ауданы Бөрлі ауылы маңында осы ауданның 1990 жылғы тұрғынынан 102 дана киік мүйізі табылған. Аталған оқиға бойынша Қазақстан Республикасы Қылмыстық Кодексінің 339-1-бабына (киіктерді заңсыз қолға түсіру, жою, сол сияқты заңсыз қолға түсірілген киікті немесе оның дериваттарын, оның ішінде мүйіздерін иемдену, сақтау, өткізу, әкелу, әкету, жөнелту, тасымалдау) сәйкес сотқа дейінгі тергеу амалдары жүргізіліп жатыр. Мемлекетке келтірілген шығын анықталып жатыр. Айта кетейік, күдіктіге қатысты Қылмыстық кодекстің жаңа бабы қолданылды. Бұл бап бойынша оның мүлкі тәркіленіп, үш жылдан бес жылға дейін бас бостандығын шектеу не сол мерзімге бас бостандығынан айыру жазасы кесіледі. Биыл елімізде жаңа жылдан бастап браконьерлікке байланысты заң талаптары қатаңдатылған болатын. Облыста заңсыз киік аулау және сонымен айналысып жүрген қылмыстық топтардың жолын кесу бағытында Батыс Қазақстан облысы полиция департаментінің бастығы, полиция генерал-майоры Мақсұтхан Аблазимовтың бұйрығымен тәжірибелі қызметкерлерден жедел тергеу тобы құрылған. Оған департамент бастығының орынбасары, полиция полковнигі Асылғали Меңдіғалин жетекшілік етеді.

Елімізде киік мүйізін ең көп заңсыз аулап, сататындар Батыс Қазақстан облысында. Киіктің негізгі ареалы да осы аймақ. 2023 жылға дейін елімізде киік аулауға қатаң тыйым салынған болатын. Мүйіз саудалайтындарға да қатаң заң қолданылады.

Фото: іnform.kz

Байланысты жаналықтар

Батыс Қазақстан облысында төтенше жағдай жарияланды

27.03.2024

Қытайға киік мүйізін алып өтпек болған қазақстандық ұсталды

14.03.2024

Оралда автокөліктен 600-ге жуық киік мүйізі тәркіленді

29.02.2024

Қаржы пирамидасына БҚО тұрғындары 769 млн теңгеге алданған

18.07.2023

Батыс Қазақстанның бірнеше ауданы өртеніп жатыр

11.07.2023

Қираған жаңа көпір, БҚО шенділерінде үн жоқ

04.07.2023
MalimBlocks
Батыс Қазақстан облысында төтенше жағдай жарияланды

БҚО-да 27 наурызда жергілікті ауқымдағы табиғи төтенше жағдай жарияланды, деп хабарлайды Malim.kz.

Қытайға киік мүйізін алып өтпек болған қазақстандық ұсталды

Тексеріс кезінде 205 дана ақбөкен мүйізі табылған.

Оралда автокөліктен 600-ге жуық киік мүйізі тәркіленді

Автокөлік тізгінінде Атырау облысының тұрғыны болған.

Қаржы пирамидасына БҚО тұрғындары 769 млн теңгеге алданған

Батыс Қазақстан облысында «Chia Tai Pharmaceutical» компаниясының өкілдері тұрғындардың 769 млн теңге қаржысын жымқырған. Күдікті ұсталып, сот санкциясымен екі айға қамауға алынған.

Батыс Қазақстанның бірнеше ауданы өртеніп жатыр

Батыс Қазақстан облысының бірнеше ауданында өрт шығып  250 тұрғын эвакуацияланды. 

Қираған жаңа көпір, БҚО шенділерінде үн жоқ

БҚО-да екі мемлекеттік мекеме тұрғанның шағымын елемей отыр.