Оралда автокөліктен 600-ге жуық киік мүйізі тәркіленді
Автокөлік тізгінінде Атырау облысының тұрғыны болған.
Полицейлер «Браконьер» жедел профилактикалық іс-шарасы барысында автокөлікті тоқтатқан. Тексеру барысында автокөліктен 593 дана киік мүйізі табылды.
Автокөлік тізгінінде Атырау облысының тұрғыны болып шықты және ол уақытша ұстау изоляторына қамауға алынды. Аталған факті бойынша қылмыстық іс қозғалды. Тергеу жұмыстары жүргізілуде.
