Жайық өзенінің Ресейдегі су деңгейі қауіпті шектен асып кетті

Жайық өзенінде су деңгейі 931 см-ге жетті. Бұл қауіпті белгіден 1 сантиметрге артық, деп хабарлайды Malim.kz.

Ресейдегі Орынбор облысының губернаторы Денис Паслер тұрғындарды мұқият болуға және су басқан аудандардан жедел эвакуациялауға шақырды.

Қалада сирена қосылған, ал теледидарда ескерту жүйесі жұмыс істейді.

Орынбор облысының аумағында 82 мыңнан астам адамға арналған 495 уақытша орналастыру пункті дайындалған.

8 сәуірде Орал мен Батыс Қазақстан облысында Жайық өзеніндегі су деңгейі көтеріле бастады. Биліктің ақпаратына сәйкес, Оралға су тасқыны 15-17 сәуірде келеді деп күтіліп отыр. Мамандар Жайық өзеніндегі су деңгейі 10 метрге жетуі мүмкін деп ескертеді, дегенмен қауіпті деңгей 850 см. Қауіпті белгі болған кезде де өзеннің жайылмасында орналасқан кейбір елді мекендер мен саяжай кооперативтері су астында қалуы мүмкін.

Фото: uralskweek.kz