Stop Nazarbayev system: Алматыда белсенділер «Нұр Отанға» барды

Алмас НҮСІП

  • 05.03.2020

Кеше интернет желілері арқылы видео үндеу жариялап, қазақстандықтарды «Оккупай Нұр Отан» акциясына шақырған белсенділер Әлнұр ИЛЬЯШЕВ, Даная ҚАЛИЕВА, Дәулет ӘБІЛҚАСЫМОВ бастаған топ бүгін биліктік «Нұр Отан» партиясының Алматыдағы филиалына барып, партия жетекшілерімен кездесіп, бірнеше сұрақ қоюға тырысты.

Бұл кездесуді белсенділердің бірі Даная Қалиева Facebook парақшасы арқылы тікелей эфирде таратты.

Партия ғимаратының кіре берісінде екі жақ сөзге келіп қалды. Партия өкілдері «ғимарат ішінде акция өткізбек болған», «қозғамдық тәртіпті бұзған» белсенділерді айыптады. Бұл күн партияның азаматтарды қабылдау күні екенін айтқан белсенділер де дегендерінен қайта қоймады.

Белсенділердің «Нұр Отанға» таққан кінәсінің бастысы – жемқорлыққа қатысты. Партия жемқорлықпен күрес туралы жиі айтқанмен, өздері (партия мүшелері) жемқорлық фактісі бойынша жиі ұсталады. Белсенділердің бұл сауалына «Нұр Отан» партиясы Алматы қалалық филиалы төрағасының бірінші орынбасары Станислав КАНКУРОВ былтыр елде тіркелген 1000-нан аса жемқорлық қылмыстың 10 пайызы ғана «Нұр Отанға» қатысты екенін айтып ақталды.

Сонымен қатар, билік партиясының өзге саяси партиялардың құрылуына, насихат жұмыстарына кедергі келтіретіні де сөз болды. Бұған алматылық партия өкілдері біздің қатысымыз жоқ деп жауап берді.

Бір қызығы, өздерін партияның қабылдауына келген өзге азаматтар ретінде таныстырған топ партияның сөзін сөйлеп, белсенділерден кетуді талап етті. Олар қабылдауға өзге де азаматтардың келгенін айтып, белсенділерді «33 минуттан бері отырсың, шық қанеки» деп кездесуді «аяқтады». Бұдан кейін осы топ пен белсенділер арасында дау туындап, «қай жақтан шықты саңырауқұлақ құсап!»; «мыналарды кім шақырды?»; «ал сіздерді кім шақырды?»; «сотқа береміз?»; «бұл үйлерің емес, шығыңдар»; «сендер бізге кедергі келтіріп жатырсыңдар» деген сөздер айтылып, ақыры күзетшілердің араласуымен белсенділер ғимараттан шығуға мәжбүр болды.

Белсенділер «Нұр Отан» ғимаратына "Stop Nazarbayev system" деп жазылған плакат апарған. Билік партиясының өкілдері бұл плакатты ашып ұстауға қарсы болып, плакатты ұстап тұрған Әлнұр Ильяшевтен плакатты тез арада жинауды талап етті.

Әлнұр Ильяшев аулаға шыққан соң БАҚ өкілдеріне берген сұхбатында:

«Назарбаев дәуірінің өткенін түсінетіндер, оның кетуін тездету керек екенін ұғатындар, тек митингіге шығып қана емес, осылай келіп, сұрақ қойып, қалыптасқан жүйеге қарсылық білдіруге болады. Бүгін Канкуров уақыттың тығыздығын айтып, біздің сауалдарымызға жауап берген жоқ. Біз 18-і күні де келеміз, осы сұрақты қоямыз», - деді Әлнұр Ильяшев.

Ол сөзінің соңын «Нұрсұлтан Назарбаев, кет!» деген ұранмен аяқтады.

Бұған дейін «Нұр Отан» партиясы саяси кеңесінің кеңейтілген отырысы 18 наурызда өтетіні хабарланған.

Фото: azattyq.org

Байланысты жаналықтар

Қазақстанда «Шешім журналистикасы лабораториясы» жобасы басталды

28.10.2023

Алматы. "Қуатты өңірлер" бірнеше бағытта дамиды

21.09.2022

Тарысы піскеннің тауығы: Боранбаев «асыраған» әртістер

09.04.2022

Депутаттар “Нұр Отаннан” шығып жатыр

25.01.2022

Бекен ЫБЫРАЙЫМ. Қала шетіндегі үй (Жалғасы)

03.04.2021

Алматыда жер дауы басылмай тұр

05.03.2021
MalimBlocks
Қазақстанда «Шешім журналистикасы лабораториясы» жобасы басталды

«Әділ сөз» сөз бостандығын қорғау халықаралық қоғамдық қоры Ұлыбритания үкіметінің қаржылай қолдауымен «Шешім журналистикасы лабораториясы» жобасы жүзеге аса бастады.

Алматы. "Қуатты өңірлер" бірнеше бағытта дамиды

Тарысы піскеннің тауығы: Боранбаев «асыраған» әртістер

Олар Қайратты «Құдай берген таланттың ұшқынын көруші» дейді.

Депутаттар “Нұр Отаннан” шығып жатыр

Семейлік екі депутат елдегі басқарушы партиядан көңілі қалғандарын айтып, өз еркімен партиядан кететіндерін мәлімдеді.

Бекен ЫБЫРАЙЫМ. Қала шетіндегі үй (Жалғасы)

Алматыда жер дауы басылмай тұр