Депутаттар “Нұр Отаннан” шығып жатыр
Семейлік екі депутат елдегі басқарушы партиядан көңілі қалғандарын айтып, өз еркімен партиядан кететіндерін мәлімдеді.
Семейлік екі депутат “партия басшылығына сенімін жоғалту” себебінен партиядан кетуге өтініш білдірді. Экс-нұротандық Дулат Қажмұханбет пен Айдос Қисаменов басқарушы партияның әрекетсіздігінен көңілі қалғанын айтқан.
«Бұл шешім туралы ойлап жүргеніме біраз болды(…)Трагедиялық қаңтар оқиғасы басталып, аяқталғанға дейін біз бір рет те болған жайтты талқылаған жоқпыз. Депутаттық институтынан, осыншалық жауапты кезеңдегі партия филиалының әрекетсіздігінен қатты көңілім қалды, сайлаушылар артқан сенім ақталмады. Ескі шіріген іргетас үстінен жаңа Қазақстанды құру мүмкін емес нәрсе!» – деді Қисаменов.
"Нұр Отан" партиясының бұрынғы депутаты Дулат Қажмұханбет те Facebook парақшасында дәл осы себептен көңілі қалғанын айтып, тіпті белсенді азаматтық ұстанымы үшін қоқан-лоққы көргенін мәлімдеді.
«Өкінішке қарай, Nur Otan партиясының өңірлік жетекшілері болып есептелетін қала мен облыс басшылығына да ойлай білетін әрі тәуелсіз, жеке көзқарасы бар мәслихат депутаттары керек емес екеніне толық көзім жетті. Айтқан сөзді тыңдайтын, облыс әкімі Даниал Ахметовтың пәрменіне уақытылы қол көтеретіндер керек екен. Азаматтық белсенділік үшін қуғынға ұшыратып, құқық шектеп, қорқытып, ашық түрде (мені - ред.) партиядан шығарып тастауға тырысты», – дейді ол.
MalimBlocks
Елін сүйген қайраткер Нұртас Оңдасынов
Ол 1938 жылдан 1963 жылға дейін (25 жыл) – Қазақ КСР Жоғарғы Кеңесінің депутаты, ал 1940 жылдан 1958 жылға дейін (18 жыл) КСРО Жоғарғы Кеңесінің депутаты болды. 26 жыл (1938-1964) Қазақстан Компартиясы Орталық комитетінің және 14 жыл (1938-1951, 1954-1955) оның бюро мүшесі, Кеңес Одағы Компартиясының XVIII, XXII, XXIII съездері мен оның XVIII конференциясының делегаты, 13 жыл (1939-1952) СОКП Орталық Тексеру комиссиясының мүшесі болып сайланды.
