Маңғыстаудағы жұт: "Малымыз әр жерде жығылып жатыр"

«Бізге келіп, ел қалай, жер қалай деп, бір-бірімізді үйлестіріп, хабар алып жатқан әкімдер жоқ".

Есдәулет Қызырбекұлы

  • 03.06.2021

Маңғыстау облысында қуаңшылық салдарынан мал қырылуда.

Кешелі бері әлеуметтік желіде Маңғыстау облысында ірі қара малдың қуаңшылықтан жаппай қырылып жатқаны бейнеленген видеороликтер тарауда. Қарақиян, Маңғыстау және Түпқараған аудандарының малшыларының сөзінше, аймаққа қыста қар, көктемде жаңбыр жаумаған. Салдарынан жайылым жерлер қуаңшылыққа ұшыраған. Қазір ел малын жаятын жер жоқ.

Маңғыстаулық атбегі Бұғабай Мықырбаевтың сөзінше, аймақ тұрғындары ауылдан 200-300 шақырым жерден шөп іздеп шығуға мәжбүр. Оның өзінде далада қылтанақтай шөп жоқ.

«Маңғыстауда биыл жаңбыр жауған жоқ. Қыста қар болмады. Малға қолайсыз болып тұр. 200-300 шақырым жердегі қырға шығып, шөп іздеуге мәжбүрміз. Шыққаныма бір ай болды. Азып-тозып кеттік. Шөп жоқ, малымыз әр жерде жығылып жатыр. Суару да қиындап барады. Малымыздың да, өзіміздің де жағдайымыз кетіп барады. Сығандар сияқты далада жүрміз осылай», - дейді Мықырбаев malim.kz сайты тілшісіне.

Бұғабай Мықырбаев халықтың жағдайын біліп, хабар алып жатқан әкімдер жоқ дейді. Оның сөзінше, егер жағдай осылай кете беретін болса, онда алда келе жатқан қысқа дайындалуды былай қойып, оған жетудің өзі мұңға айналады. 

«Бізге келіп, ел қалай, жер қалай деп, бір-бірімізді үйлестіріп, хабар алып жатқан әкімдер жоқ. Басқа жақтан жем-шөп әкелгеннен пайда жоқ. Оны қымбатқа алып келеді. Ол кімге жетеді? Басқа облыстан жер алып берсе болады. Бала-шағамызбен жұмыс істемейміз. Осы малдың арқасында нәпәқамызды тауып жүрміз. Алдымыз қыс. Жем қайда, шөп қайда білмейміз. Қысқа жететін де мүмкіншілігіміз жоқ сияқты. Жердің барлығын адамдар алып алған. Құдықтың барлығын кілттеп алған. Ешкімнің малын суарттырмайды. Содан күйініп отырымыз», - дейді Мықырбаев.

Маңғыстау малшыларының қиын жағдайын облыстық әкімдік те растады.

«Облыс әкімінің тапсырмасымен шаруа қожалықтарын жем-шөппен қамтамасыз ету науқаны басталды. Өзге аймақтардан жем-шөп алу үшін «Каспий» әлеуметтік-кәсіпкерлік корпорациясы арқылы тиісті қаржы бөлінді. Жұмыс тобы құрылды», - делінген әкімдік таратқан мәлімдемеде.

Байланысты жаналықтар

Үш баланы өлтіру. Полицейлер бірін бірі терістеп жатыр.

04.05.2023

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

17.01.2023

Каспий итбалығының тағдыры: Балықшылар, мұнайшылар, емшілер және жүкті әйелдер

14.06.2022

Ереуілге шыққандар айлықтарын көбейтіп алды

12.11.2021

«КаспийЦемент» жұмысшылары президенттен еңбек дауын шешіп беруді сұрады

11.11.2021

Ноғаевтың бір орынбасары қызметінен кетті

10.11.2021
MalimBlocks
Үш баланы өлтіру. Полицейлер бірін бірі терістеп жатыр.

«Сириядағы соғысқа қатыспаған». Бір жарым ай бұрын Ақтауда ажырасқан әйелінде кеткен үш баласын қастандықпен өлтірген әкенің діни жат ағымның жетегінде кеткені туралы ел арасында түрлі әңгіме айтылған еді

«Жауабыңыз қабылданбайды» – Әбдіғалиұлының сөзі Смайыловқа ұнамай қалды

Бюджеттен ақшаның кешігіп түсу себебін отырыста баяндама жасаған Қуантыровтан да бір сұрай салуы керек пе еді...

Каспий итбалығының тағдыры: Балықшылар, мұнайшылар, емшілер және жүкті әйелдер

Каспий итбалығы – Қазақстанды мекен еткен теңіздегі жалғыз сүтқоректі жануар. Кезінде жануардың терісі мен майы бағалы болғандықтан, есепсіз қырылған. 2008 жылы жоғалып кетуі мүмкін жануар ретінде Халықаралық табиғатты қорғау ұйымының тізіміне енсе, 2020 жылдан бері Қазақстанның Қызыл кітабына енген. Malim Media санаулы қалған Каспий итбалығының сақтау үшін Қазақстан билігі қандай шара қолданып жатқанын зерттеп көрді.

Ереуілге шыққандар айлықтарын көбейтіп алды

«КаспийЦемент» жұмысшылары президенттен еңбек дауын шешіп беруді сұрады

Маңғыстау облысында «Каспий цемент» ЖШС жұмысшылары екі күннен бері наразылық білдіріп, жұмысын тоқтатты.

Ноғаевтың бір орынбасары қызметінен кетті