Қызылордадағы митингіде он шақты адам ұсталды

  • 08.06.2020
  • Malim Админ

Қызылорда қаласындағы митинг кезінде де арнайы жасақ он шақты адамды ұстап алып кетті. Қызылордада митинг орталық алаңның маңында өткізіледі деп белгіленген болатын. Бұл туралы МӘЛІМ КЗ сайтының өңірдегі тілшісі хабарлайды.

Бастапқыда шеруге қолдарына Абай ҚҰНАНБАЙҰЛЫНЫҢ  өлеңінен үзінді және Әлихан БӨКЕЙХАННЫҢ сөзі жазылған плакат ұстаған үш адамды орталық алаңға жеткізбей ұстады. Олар көше бойлап талаптарын айтып, ұрандатып келе жатқан еді.

Олар «саяси тұтқындарға босатндық!» деп ұран тастады. Алайда, әбжіл қимылдайтын полиция аяқтарын жерге тигізбей алып кетті.

Ал бұл уақытта митинг өтетін алаңда дезинфекция жұмыстары жүргізіліп жатты. Бірнеше минуттан кейін осы орталық алаңға   топ-тобымен адамдар жиналды. Шеруге шыққан 20-ға жуық адам «жер сатылмасын», «несиелер жабылсын» деп талаптарын айтты.

Сол маңда жүрген құқық қорғау органдарының және әкімдіктің  қызметкерлері оларды тарқатуға тырысты. Бірақ шамамен 15 минут өткен соң  арнайы жасақ ереуілдеткендердің ішінен бірнеше тұрғынды ұстап көлікке салып әкетті. Содан соң митингке келгендердің көбі тарқай бастады.

Фотолар автордікі.

Абай НҰРЖАНҰЛЫ

Байланысты жаналықтар

Экономикалық сот жемқорлық дауына іліккен судьяны қимай жүр ме?

24.02.2021

Беларусь үкіметі отставкаға кетті

17.08.2020

"Саяси тұтқынның" соққыға жығылуы: Жазасын өтеушілер аштық жарияламақ

29.04.2021

Әбішев 500 миллион жымқырды деген күдікке ілікті

21.09.2020

Экономика министрі тым «экономшыл» екен

10.03.2020

Қытай геноцидіне қарсы акция тоқтамайды

13.05.2021