ПЦР мен КТ-дан өтуге неге асықпау керек?

  • 01.07.2020
  • Malim Админ

Қазақстан отбасы дәрігерлері қауымдастығы пандемияға қатысты маңызды сұрақтардың тізімін жасап, олардың жауабын да жазыпты. ПЦР мен КТ-дан өтуге неге асықпау керек деген сұраққа, дәрігерлердің берген жауабы.

Егер бойыңызда белгілері болмаса, коронавирусқа тексерілу сізге ештеңе бермейді. Бүгін ауруды анықтауға барғанда науқас болмассыз, бірақ сол жерден дерт жұқтырып шығуыңыз әбден мүмкін.

Дегенмен бойыңызда айтылып жүрген симптомдар болса да, оның коронавируспен анық байланысты екеніне көз жеткізу үшін, асығыс қадамдарға баруға болмайды. Ол әрекеттеріңіз, не істесеңіз де – сізге жауап тауып бермейді. ПЦР-дің сезімталдығы төмен (30-60 пайыз). Егер сіз аурып жүрсеңіз, бойыңызда белгілі симптомдар бола тұра коронатест теріс десе, сіздің бойыңызда коронавирус инфекциясы жоқ деген сөз емес. Ол дерттің болуы ықтималдығы 40-70 пайыз. Сондықтан нақты көз жетпегенше, өз бетіңізбен әрекет етпеңіз.

Анализ сіздің жазылып кетуіңізге ешқандай ықпал етпейді, керісінше жағдайыңызды қиындатып жіберуі мүмкін. Анализ тапсыру кезінде ауру жұқтыруыңыз кәдік. Ауруханалар мен емханаларға, лабораторияларға бару кез келген уақытта қауіпті. Өйткені онда науқастар жиналады. Коронатест теріс нәтиже көрсетсе, бұл өтірік деп өзіңізді іштей жеп қоясыз. Егер инфекция анықталса, бұл сіздің ары қарайға еміңізге де әсер етпейді. Өйткені коронавирустан емделудің қалыптасқан жолы жоқ. Бәрі өзіңіздің иммунитетіңізге байланысты. Компьютер томографиясы (КТ) жап-жақсы тәсіл, бірақ пневмония да осы жолмен анықталады. Кейбір науқастардың өкпесі замқымданбай аурып жатыр. Кейі жеңіл ғана өкпе қабынуына ұшырайды. Сондықтан «қызық үшін» КТ жасаудың керегі жоқ.

Коронавирус анализы (ПЦР) сияқты КТ да дертіңіз анықталып, екі жақта пневмония болсаңыз да, ары қарайғы ем-домыңызға ешқандай әсер етпейді. Covid-19-бен ауырып, ең жеңіл түрде дерті өтіп жатқан адамдардың өзінен екі жақты пневмония анықталып жатыр. Оның үстіне томографтар қажетті деңгейде құралдарын залалсыздандырмайды. Сол жердің өзінде инфекция жұқтыруыңыз мүмкін.

КТ-дан жағдай ауыр кезде, ауруханаға жатқызу, жатқызбау талқыланып жатқан уақытта, гипоксия болғанда өту керек. Ештеңеге асықпаңыз. Бәріне анық көз жеткізіп алыңыз. Иммунитетіңізді көтеріңіз.

Фото: elorda.info

Байланысты жаналықтар

Шымкентте 30 орындық инсульт орталығы ашылды

20.03.2021

15 мамыр – Халықаралық отбасы күні

15.05.2021

Оқуға түспеген талапкерлер наразылыққа шықты

20.08.2020

Атақты Бурабайдың атын шығаруға да ақша жұмсап...

03.02.2020

40 миллионнан астам совет азаматтары репрессияға ұшыраған

30.05.2020

Ердоған салдырған вакцина Қазақстанға келмек

27.03.2021