Ата-аналардың өтінішімен 1-4 сынып оқушылары мектепке барады

  • 27.08.2020
  • Malim Админ

Бүгін Қызылорда қаласында «Білім және ғылым: жаңа оқу жылының ерекшелегі» тақырыбында облыстық тамыз кеңесі өтті. Бұл туралы МӘЛІМ КЗ сайты хабарлайды.

Жиынға облыс басшысы Гүлшара ӘБДІҚАЛЫҚОВА, сенат  депутаты, әлеуметтік-мәдени даму және ғылым комитетінің төрағасы Мұрат БАҚТИЯРҰЛЫ қатысты.Тамыз конференциясына аудан әкімдері, білім беру ұйымдарының басшылары, мектеп мұғалімдері онлайн форматта білім саласындағы мәселелерді талқылады.

Биыл облыста 55 білім беру нысанына жөндеу жұмыстары жүргізіліп жатыр екен. Жаңа оқу жылында Қызылорда қаласы мен Жалағаш ауданынан 2 мектеп пайдаланылуға беріледі. Сонымен қатар, 4 мектептің құрылысы жүргізілуде.

Облыстық білім басқармасының басшысы Ақзира ҚАСЫМОВАНЫҢ айтуынша, биылғы оқу жылының басты ерекшелігі – мектептердің жан басына қаржыландыру тетігіне өтуі. Сондай-ақ, Назарбаев зияткерлік мектебімен бірге «Ауыл мектебі» пилоттық жобасы іске аспақ екен.

Жиында ата-аналардың өтінішімен 1-4 сыныптағы 41 547 оқушы 2974 топта дәстүрлі түрде білім алатыны айтылды. Тамыз кеңесінің соңында  Гүлшара Әбдіқалықова «Үздік орта білім ұйымы» конкурсының жеңімпазы Қазалы ауданындағы №249 мектеп-лицейіне 17 млн.теңге грант сертификатын тапсырды.

Фото: gov.kz

Байланысты жаналықтар

Аймағамбетов: Ұстаз мамандығының беделі артып келеді

28.05.2021

Шымкентте биыл 20 мектеп пайдалануға беріледі

12.03.2021

Жұмабай Шаштайұлы: Қасым Аманжолов есімі біз үшін қасиетті есім

10.10.2020

Қазақ тілі және бизнес

15.06.2021

«Нұрлы жер» бағдарламасы іске асып жатқан жоқ

15.10.2020

Әкім қарамағындағы шенеунік пара алғаны үшін отставкаға кетті

21.09.2020