Беларусь президенті Александр Лукашенко медициналық білім саласы бойынша екінші рет Шнобель премиясын алды, – деп жазды РИА Новости.
Бұл сыйлық Нобель сыйлығына пародия. Шнобель премиясы биыл “ғалымдар мен дәрігерлерге қарағанда, саясаткерлердің адамдардың өмірі мен өліміне ықпалы басым екенін көрсету үшін және COVID-19 пандемиясына байланысты” берілді.
Александр Лукашенкомен қатар Ресей президенті Владимир Путин, АҚШ президенті Дональд Трамп, Бразилияның мемлекет басшысы Жаир Болсонару, Ұлыбританияның премьер-министрі Борис Джонсон, Түркия президенті Режеп Тайып Ердоған, Мексика президенті Андрес Мануэль Лопес Обрадор, Түрікменстан президенті Гурбангулы Бердымухамедов Шнобель сыйлығының лауреаттары атанды.
