Жол, мектеп, емхананы да өздері салатын ауыл

Берік Жанатханұлы

  • 29.10.2020

Алматы облысындағы Сарқан ауданының халқы өз мәселесін өздері шешіп жатыр.Президент Нұрсұлтан НАЗАРБАЕВТЫҢ 100 мектеп және 100 аурухана бағдарламасын атқарушы билік емес, халық жүзеге асыра бастады. Елбасының аяқсыз қалған жұмысын алыстағы ағайын ың-шыңсыз өздері бітіріп жатқандай. Әрине, Тасқұдық, Көкөзек, Еркін, Кәкімжан ҚАЗЫБАЕВ сынды жырықтағы ауылдарға бюджеттен бір тиында ол үшін бөлінген жоқ.

Биыл Сарқан жұрты үш мектеп пен бір фельшерлік пукт құрылысы басталды. Жыл соңында ел игілігіне тапсырылмақ. Былтыр аталған ауданға қарайтын Мұқан ТӨЛЕБАЕВ ауылының халқы  35 шақырымдай жолды өздері жамаса, Кәкімжан Қазыбаев ауылы халқы 50 орындық бастауыш мектепті қолға алған еді.

[caption id="attachment_8752" align="alignleft" width="1024"] Тасқұдық ауылындағы ескі мектеп[/caption]

300-дей тұрғыны бар Тасқұдық ауылындағы бастауыш мектеп осыдан жарты ғасыр бұрын салынған. Әбден ескіріп, тозығы жеткен мектепте 35 оқушы білім алады. Балаларының қауіпсіздігіне алаңдаған ата-аналар бұл мәселені  әкімдікке талай мәрте айтқан. Қазір қоғамдық қор көмегімен ауылда 50 орындық бастауыш мектептің құрылысы басталды.

«Көкейкесті мәселелердің  бірі балаларға жақсы білім беру. Ол үшін кабинеттер жарық болуы керек, компьютерлік кабинеттер болу. Ағаларымыздың қолдауымен, міне, ауылымызда мектеп салынып жатыр. Өте қуаныштымыз»,- дейді Тасқұдық бастауыш мектебінің меңгерушісі Айжан САДЫҚОВА.   

Ауданға қарасты Еркін ауылында да 50 орындық мектеп салынып жатыр. Ал, Кәкімжан Қазыбаев ауылында 2019 жылы  басталған бастауыш білім ошағы ел игілігіне берлмек. Мектептің толықтай салынып бітуіне ауыл тұрғындары жаппай атсалысқан екен.

«Біз қолымыздан келмейтін нәрселерді мамандарды шақырып жасаттық. Оған кәдімгідей көп көрім ақша кетеді екен. Енді қолымыздан келгендерін өзіміз жасап жатырмыз.  Бұйырса бәрі бітіп қалды. Жақында линолеум төсеп, паровойларын бір тексеріп алсақ мұғалімдерге мектепті  өткізіп береміз. Балаларды жаңа мектептеріне осы каникулда кіргізіп жіберсек», - дейді Кәкімжан Қазыбаев ауылының тұрғыны Тоқтарбек ТӨЛЕПБЕКОВ.

[caption id="attachment_8756" align="alignleft" width="1024"] Көкөзек ауылндағы фельшерлік пунктің құрылысы[/caption]

Көкөзек ауылында фельшерлік пунктің де құрылысы қарқынды жүріп жатыр. Ескі ғимараты тоқырау жылдары құлап қалған екен. Содан бері медбикелер ескі үйдің екі бөлмесінде елге ем-дом жасап келген. Оның ішінде қыс бойы дірдек тонып шығады.

«Жылу жүйесі жасалмаған, жағдай жоқ еді. Бес-алты мейірбике бір бөлмеде отыратын. Аяқтарынан суық өтіп. Ауырсақ баратын жеріміз осы жер ғой. Аудан орталығы алыс. Енді бұйырса жақсы жерге келіп емделеміз. Соған риза болып жатырмыз», - дейді Көкөзек ауылының тұрғыны Серікқали БАРЛЫҚБАЕВ.

Аудан халқы осылайша асарлатуды келесі жылы ды жалғастырмақ екен. Жалпы, биыл бұл игі істерге 80 млн теңгедей қаржы жұмсалмақ. Оның үстіне жергілікті тұрғындардан 20-дан астам адам құрылыс жұмыстарына тартылған.

[caption id="attachment_8757" align="alignleft" width="1280"] Кәкімжан Қазыбаев ауылындағы жаңа мектеп[/caption]

Фотолар автордікі.

Байланысты жаналықтар

Депутат: Жемқорлыққа қарсы қызмет әкімге пара бергізбек болды

15.05.2020

42 500 теңге алған тұрғындар алғыстарын білдіріп жатыр

18.04.2020

"Орыстар маған орысша сөйле деген емес"

29.10.2020

Жыл басынан бері 50-ге жуық заң бұзу фактісі тіркелген

20.02.2020

Балықшылар неге ұры боп жүр?

30.10.2020

Есірткіні бизнеске айналдырғандар ұсталды

11.07.2020
MalimBlocks
Депутат: Жемқорлыққа қарсы қызмет әкімге пара бергізбек болды

42 500 теңге алған тұрғындар алғыстарын білдіріп жатыр

"Орыстар маған орысша сөйле деген емес"

Жыл басынан бері 50-ге жуық заң бұзу фактісі тіркелген

Балықшылар неге ұры боп жүр?

Есірткіні бизнеске айналдырғандар ұсталды