«Асыл арна» телеарнасының директоры Мұхамеджан Тазабек фейсбук парақшасына бұрынғы Мәдениет және спорт министрі Арыстанбек Мұхамедиұлының сұхбатынан үзінді жариялады.
«Мәдениет пен спорттың мәртебесіне қызмет еткен, мемлекетшілдігі мығым, шаруа шешуі шапшаң, жанашыр ағам, қайраткер көкем, сырлас досым - Арыстанбек мырзаның “Асыл арнаға” берген сұхбатынан үзінді...», - дейді айтыскер ақын видеоны бөлісіп жатып.
Сұхабатты «Асыл арнаның» бас продюсері Ерлан Әбдірұлы алып отыр. Видео монтаждалғанға ұқсайды. «Асыл арна» басшысы өзі бөліскенге қарағанда, Арыстанбек Мұхамедиұлы ғарышқа Мұхамеджан Тазабекпен ұшуға дайындай көрінді.
Видеода айтылған мәтін:
Ерлан Әбдірұлы: Сіз ғарышқа ұшқан болсаңыз, жаныңызға серік қылып кімді алып кетер едіңіз?
Арыстанбек Мұхамедиұлы: Мұхамеджан Тазабек деген азамат бар. Әңгіме айтып отырсаң, үш сағат қайтып өтіп кеткенін білмей қаласың (күледі). Мен айтар едім, Мұхамеджан Тазабеков батырлығы бар азамат. Мысалы, 1998 жылы Мұхамеджанды әскерге шақырды. Сонда республикалық «Ұланға» өз борышын орындауға келді. Барлығы Мұхамеджанға айтып жатты. «Сен Абайдың 150 жылдығында бас жүлдені алдың, Жамбылдың 150 жылдығында бас жүлде. Бүкіл Қазақстан таңғалып жатыр. Барып басшылардан армияға жарамсыз деген билет ала салсаң болады ғой» деп. Шынымен-ақ, болады ғой. Жоқ, Мұхамеджан айтты: «Мен өз парызымды орындауым керек» деп. Сонда келіп, бір жарым жыл өз әскери парызын орындап шықты. Ондайды қазір іздеп табу қиын. Мұхамеджан атақ, дәрежесіне қарамай, өзі келіп, әскери борышын орындап шықты. Міндеті ғой азаматтық.
Байланысты жаналықтар
MalimBlocks
