«Үздік педагог» Шпекбаевқа шағымданды. Аймағамбетов қайтпек?

Malim Админ

  • 11.11.2020

Өткенде Malim.kz тілшісіне берген сұхбатында белсенді мұғалім Айман Сағидулла «Үздік педагог» байқауының әділ өтпегенін айтып еді.

«Бұл «Үздік педагог» байқауы әділ өтіп жатқан жоқ деп есептеймін өз басым. Себебі, өзіңіз айтып отырғандай, педагогтар арасында тартыс болуға тиіс. Ал, бізде ондай бәсеке жоқ, себебі, мұғалімдердің көпшілігі ондай байқаудың бар екенін де білмейді, естімейді. Тіпті, көптеген аудандарда білім бөлімдері қалаған адамдар ғана барып қатысады. Негізінен, бұл байқаудың бірінші кезеңі аудан ішінде өтіп, содан іріктелген мұғалімдер облыстық кезеңге өтуі керек. Өкінішке орай, көптеген аудандарда мұндай байқау өткізілмейді. Мысал үшін, мен жұмыс істейтін Алматы облысы, Қарасай ауданында бұл байқау өткізілген жоқ» деген болатын Айман Сағидулла.

Оқи отырыңыз: “Аймағамбетов “Үздік педагог” атағын заңсыз үлестірді”

Енді Білім және ғылым министрі Асхат Аймағамбетовтың бұл байқауы Сыбайлас жемқорлыққа қарсы іс-қимыл агенттігін де назарына ілікті. Конкурстың республикалық кезеңінде жеңіске жеткен физика пәнінің мұғалімі Арнұр Қазыбековтің әлеуметтік желі арқылы Алик Шпекбаевқа айтқан шағым айтқан болатын.

Ол "Үздік педагог - 2020" конкурсының республикалық кезеңінде жеңіске жеткен және 2,7 миллион теңге ақшалай сыйлықпен марапатталған. Алайда ол Атырау облысының жергілікті атқарушы органдары облыстық кезеңдегі жеңісі үшін тағайындаған 300 АЕК көлеміндегі сыйақысын бермепті. Ал әріптестері болса, сыйақыларын баяғыда алып қойған.

"Мен "Үздік педагог - 2020" конкурсының облыстық кезеңінде жеңіске жеткенімде Атыраудың бір мектебінде жұмыс істейтін едім. 2 қазанда мені Атырау облысының өкілі ретінде марапаттады, алайда жергілікті атқарушы билік берілуі керек соманы берген жоқ. Ал қалған әріптестерім 5 қазанда бұл сыйлықты алып қойды", - деп жазды Қазыбеков.

Tengrinews.kz сайтының хабарлауынша, аймақтың Білім басқармасындағылар бұл жағдайға қатысты мынандай түсінік берген. «Жергілікті атқарушы органдар мұғалімдерге 300 айлық есептен кем емес көлемде ақшалай сыйақы беріп, қосымша ынталандыруға құқылы. Бірақ оны беру-бермеуді өз бетінше шешеді. Оның үстіне ол 1 қыркүйекте басқа қалаға көшіп кетті. Яғни 5 қазанда біз басқа мұғалімдерді марапаттағанда ол біздің мектепте жұмыс істеген жоқ».

Арнұр Қазыбековтің шағымын Сыбайлас жемқорлыққа қарсы іс-қимыл агенттігі тексеріп жатыр. «Бұл шағым Атырау облысының Білім басқармасына қарау және шара қабылдау үшін жолданды», - депті агенттіктегілер.

Білім саласы біздің елде жемқорлыққа батқан саланың бірі. Бір ғана байқаудың басынан шу арылар емес. Антикор араласқан соң, Аймағамбетов те құр отырмайтын болса керек.

Байланысты жаналықтар

Ұлытау облысында Мәдениет басқармасының басшысы 6 жылға сотталды

13.03.2024

Шымкентте бюджет қаражатын жымқырған бапкерлер сотталды

12.03.2024

Бұрынғы Мәдениет және спорт вице-министрі не үшін ұсталғаны белгілі болды

06.03.2024

Мырзахметовтің ісі бойынша сот процесі басталды

22.01.2024

Оралда "аса қауіпті аурулар" 55 млн теңгені жеп қойған 

16.10.2023

Пара алғыш Шымкент шенеуніктері айыппұлмен құтылды

02.08.2023
MalimBlocks
Ұлытау облысында Мәдениет басқармасының басшысы 6 жылға сотталды

Ол мердігер ұйым өкілімен сөз байласып, 2 млн теңге көлемінде пара алған.

Шымкентте бюджет қаражатын жымқырған бапкерлер сотталды

Жаттықтырушылар 6 млн теңгеден астам қаржыны жымқырғаны анықталды.

Бұрынғы Мәдениет және спорт вице-министрі не үшін ұсталғаны белгілі болды

Ерлан Қожағапанов ауыр сыбайлас жемқорлық қылмыс жасады деген күдікке ілінген.

Мырзахметовтің ісі бойынша сот процесі басталды

“Атамекен” ұлтттық кәсіпкерлер палатасының бұрынғы төрағасы Абылай Мырзахметовтің ісіне қатысты сот отырысы басталды. Бұл істі қарап жатқан прокурор Бауыржан Шекенов сотты жабық режимде өткізуге өтініш берген.

Оралда "аса қауіпті аурулар" 55 млн теңгені жеп қойған 

Орал қаласындағы Жәңгір хан атындағы аграрлық-техникалық университетінің ғылыми қызметкерлерінің үстінен қаржы жымқыру фактісі бойынша сотқа дейінгі тергеу басталған. Бұл туралы Бас прокуратураның ресми өкілі Дархан Дүйсембай мәлімдеді.

Пара алғыш Шымкент шенеуніктері айыппұлмен құтылды

Шымкент қаласының қылмыстық істер жөніндегі ауданаралық соты білім басқармасының мамандары А. Шиндаулов пен М. Мейірбековке қатысты үкім шығарды.