АҚШ-тың «Америка дауысы» (Voice of America, VOA) радиокомпаниясы өз жұмысын қайта жандандырып, Дональд Трамптың саясатын толықтай қолдайтын ультраконсервативті One America News Network (OAN) телеарнасының бағдарламаларын тарата бастайды. Бұл туралы 7 мамыр күні әлеуметтік желіде осы шешімге тікелей қатысы бар Кэри Лэйк мәлімдеді, деп хабарлайды Malim.kz dw.com сайтына сілтеме жасап.
Кэри Лэйк — наурыз айында АҚШ-тың бұрынғы президенті Дональд Трамп тағайындаған АҚШ-тың Жаһандық медиа агенттігінің (USAGM) аға кеңесшісі. Аталған агенттік құрамына Voice of America, Radio Martí және Office of Cuba Broadcasting секілді халықаралық медиалар кіреді.
«Жаһандық медиа агенттігі OAN арнасымен әріптестікті қуанышпен жариялайды. Бұл әріптестік USAGM жүйесіне жаңалықтар лентасын, контент пен техникалық қолдау ұсынуға бағытталған», — делінген Лэйктің мәлімдемесінде.
Оның айтуынша, OAN арнасы Америка дауысына жаңалықтар таспасын, мазмұнды және техникалық қолдауды ақысыз негізде ұсынады. Бұл қадам американдық салық төлеушілер үшін тиімді болмақ, себебі USAGM агенттігі шетелдік аудиторияға арналған контентті тек мемлекеттік қаржы арқылы таратады.
OAN арнасының иесі Чарльз Херринг те бұл ақпаратты растады, деп хабарлайды Washington Post.
Айта кетейік, Кэри Лэйк сондай-ақ VOA директоры лауазымына да ұсынылған, бірақ бұл шешімді Халықаралық хабар тарату жөніндегі консультативтік кеңес әлі мақұлдамаған.
Фото: Annabelle Gordon/REUTERS
