Фото: Reuters
Лос-Анджелесте орман өртінен төтенше жағдай жариялады, тілсіз жау қаланың батысындағы бірнеше аудандарды шарпыған. Билік халықты эвакуациялауға кірісті. ВВС-дің жазуынша, көптеген ауыл, шаруа қожалықтары өрт құрсауында қалған.
Эвакуация аймағындағы Пали Сейдс ауданында шамамен 30 мың адам тұрады. Жергілікті шенеуніктер пресс-конференцияда шамамен 10 мың үйдің қауіпті аймақта екенін хабарлады.
Калифорния губернаторы Гэвин Ньюсомның айтуынша, көптеген ғимараттар өртке оранған.
Лос-Анджелес өрт сөндіру қызметінің басшысы Кристин Кроули зардап шеккендер туралы толық ақпарат жоқ екенін айтты.
АҚШ президенті Джо Байден жағдайды өз бақылауына алған.
Билік өрттің желден күшеюі мүмкін екендігін ескертіп отыр.
Кейбір аудандарда желдің жылдамдығы 160 км/сағ дейін жетуі мүмкін екені болжанып отыр.
Байланысты жаналықтар
MalimBlocks
