Магдебургтегі рождестволық жәрмеңкеге жасалған шабуыл салдарынан қаза тапқандар саны төрт адамға жетті. Бұл туралы BBC Германияның ARD телерадиокомпаниясының мәліметіне сілтеме жасап жазды, деп хабарлайды Malim.kz.
ARD хабарлауынша, жарақат алғандардың саны 200-ден асқан, бұл бұрын жарияланған 60 адамнан айтарлықтай көп.
Магдебург қаласының қоғамдық тәртіп жөніндегі кеңесшісі Ронни Круг MDR телекомпаниясына берген сұхбатында, рождестволық жәрмеңкенің жабық болатынын айтып, «Магдебургтегі Рождество аяқталды» деген.
Сонымен қатар, ішкі істер министрлігі бүгін таңертең Саксония-Анхальт федералдық жерінде (астанасы – Магдебург) ресми ғимараттарда шабуыл құрбандарын еске алу үшін тулар төмен түсірілетінін мәлімдеген.
Айта кетейік, кеше, 20 желтоқанда Магдебург қаласындағы рождестволық жәрмеңкеде біреу көлігімен көшедегілерді таптап өткен еді.
Фото: BBC/EPA-EFE/REX/Shutterstock
