ҚХР төрағасы Си Цзиньпин Путиннің шақыруымен 7-10 мамыр аралығында Ресейге ресми сапармен барады. Бұл туралы Кремльдің баспасөз қызметі хабарлады.
Қытай басшысы Екінші дүниежүзлік соғыстағы жеңістің 80 жылдығына арналған мерекелік шараларға қатысатыны атап өтілді. Сондай-ақ мемлекет басшылары арасында келіссөздер жүргізіліп, құжаттарға қол қою жоспарланып отыр.
Келіссөздерде жан-жақты серіктестік пен стратегиялық әріптестік қатынастарын одан әрі дамытудың негізгі мәселелері, халықаралық және өңірлік маңызы бар өзекті мәселелер талқыланады. Бірқатар екіжақты үкіметаралық және ведомствоаралық құжатқа қол қою жоспарланып отыр, — делінген хабарламада.
Фото: kommersant.ru
