Таиланд пен Камбоджа шекарасындағы жағдай ушықты
Таиланд пен Камбоджа Трамптың арағайындығына қарамастан соғысты жалғастыруда, деп хабарлайды Malim.kz DW-ге сілтеме жасап.
Таиланд пен Камбоджа арасындағы шекарадағы қарулы қақтығыстар 27 шілде күні таңертең қайта жанданды. Бұл туралы тайлық Khaosod басылымы Таиланд әскери күштеріне сілтеме жасап хабарлады. АҚШ президенті Дональд Трамптың тараптарды келіссөзге тарту әрекеттеріне қарамастан, екі елдің армиясы бір-бірін атқылауды тоқтатпаған.
Солтүстіктегі шайқас ушығып тұр
Камбоджа әскері Таиландтың солтүстік-шығысындағы Сурин провинциясына шабуылдарын күшейткен. Жауап ретінде тай артиллериясы Камбоджаның Самроунг қаласы маңын атқылаған. Бұл қала шекарадан 20 шақырым қашықтықта орналасқан. Екі тарап та индуисттік көне храмдарға шабуыл жасады деп бір-бірін айыптап отыр.
Курортты аймақтар да қауіп астында
Алдыңғы күні, 26 шілдеде, қақтығыстар алғаш рет Таиландтың оңтүстігіндегі теңіз курорттарына жақын маңда орын алды. 27 шілдеде The Phnom Penh Post басылымының мәліметінше, Таиланд артиллериясы Камбоджа шекарасы жағына қарай таулы аймақтарды атқылаған. Оңтүстіктегі қақтығыстардың кеңейгені жайлы нақты мәлімет жоқ.
Қазіргі таңда жағдай тұрақсыз болып тұр, ал тараптар келіссөздер үстеліне отыруға асығар емес. Халықаралық қауымдастық қақтығысты бейбіт жолмен шешуге шақырып отыр.
Фото: Athit Perawongmetha/REUTERS
Ең көп оқылған
